بين الثراء والبادية

الحلقة 82

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 82
• طول فيها شوفة وهوا كيحس براسوا مصدوم من هضرتها من بعد نزل راسوا لسوارت لي كان كيلعب بيهم فيديه وهضر ببرود...

رضوان : الله يكمل عليهم بالخير
سميرة [مشات بركت حداه] : ممكتاباش ليك اولدي مديرش فخاطرك
رضوان [وهيا باقي مكيشوفش فيها] : عارف عارف
سميرة : قلب ليك على شي بنت ناس خرى والعيب والعار الى ممشيتش خطبتها ليك

• جمع الوقفة ووقف غادي خارج من الكشينة بلاما يجاوبها ولكن بعد اخر خطوة ليها من انه يخرج من الكشينة ضار عند سميرة لي كانت باركة وحاضية وتكلم بصوت هادئ....

رضوان : قلبي على شي بنت ناس تعجبك وانا موجود
سميرة [بإبتسامة] : صافي واخا اولدي كون هانية والله يسر ليك وينقي طريقك من شوك

• خرج من الكشينة ومشا للبيت وتكا باش يرتاح وخلا سميرة كتفكر بينها وبين راسها شكون هاد البنت لي تخطبها ليه...

   ▪︎ عند غيمة لي بقات باركة فوق ناموسية وهيا كتعير فراسها على دكشي لي ضارت من بعد مشات جبدات بانطوفة ولبساتها فرجلها وخرجت حتا كيبان ليها لهاشمي واقف قدام الباب كيهضر معا شي حد ، كان ضهروا مغطي ليها رؤية شي لي خلاها تقرب ومني سمعت صوت أنثى طلات من جنب...

• طولات شوفة فالبنت لي كانت واقفة وشادة شي حاجة فيديها لي مغطياها بزيف ، كانت بشرتها حنطية وعندها شوية تاع الخدود لي كانت متأكدة من انها دايرة ليهم شي حاجة لي خلاتهم حمرين وكان فمها حمر بنفس اللون تاع خدودها وصغير شوية وشعرها كانت دايرة ليه زيف وعاقداه لفوق وبعض الخصلات بنيين طايحين على كتافها...

غيمة : سلام عليكم

• تسناتها ترد عليها ولكن كانت غير كطلعها وتنزلها بشوفات غير مفهومين من بعض ضارت شافت فلهاشمي وهضرت بعصبية...

*** : شكون هادي ؟!
لهاشمي [وهوا مخنزر فيها] : مراتي علاش ؟!
*** [بصدمة] : كيفاش مراتك اويلي وانا واصلا ايمتا تزوجتي
لهاشمي : غير بشوية عليك هادي مرتي وليوم تزوجنا والى كنتي كملتي هضرتك بغيت ندخل [وهوا كيورك على الكلمات] انا ومراتي

• بدون متجاوبوا زادت وهيا كلها عصاب وكتحس بالعافية خارجة منها ، جر لهاشمي غيمة من كتافها وسد لباب ودار شاف فيها...

غيمة : شكون هاديك
لهاشمي : غير بنت جارة لي ورانا
غيمة [هزات ليه راسها بأه] : اه صافي واخا
لهاشمي [وهوا كيشوف فيها] : موهيم مني تبغي توقفي حدا لباب يفضل متكونيش لابسة هاكا صافي
غيمة [وهيا كتشوف فراسها] : صافي واخا انا ندخل نبدل حويجي
لهاشمي [شدها من ضراعها] : لا غير خليك هاكا انا هضرت الى بغيتي تحلي الباب ولا تخرجي
غيمة [وهيا كتشوف فيدوا لي شاداها] : اه واخا

• جرها لعندوا شوية وشدها من خصرها شي لي خلاها تبورش وبعدات منوا بزربة وهيا كتحك على عنقها وكتهضر بتوتر...

غيمة : انا نمشي نوجد طبلة باش ناكلوا لكان وجد لغدا

• بدون متسناه يجاوبها مشات كتجري دخلات للكوزينة ووقفت حدا لبوطاجي وحطات يديها عليه وهيا كتلتاقط انفاسها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎