بين الثراء والبادية

الحلقة 147

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 147
• دخلت إبتسام وهيا معنقة الأم تاعها ومن وراها كان رضوان وسميرة تابعينها ، دخلاتهم المرأة لواحد صالون وبركوا فيه كلهم...

إبتسام [شافت فسميرة] : خالتي هادي هيا الأم تاعي لطيفة [ضارت كتشوف فالام تاعها] يّما هادي خالتي سميرة وهذا ولدها رضوان وهادوا هوما ناس لي بركت عندهم هاد المدة كلها
لطيفة [وهيا كتشوف فسميرة] : الله يكتر خيركم أختي وشكرا حيت بركتي عندك بنتي
سميرة : متقوليش هاكا راها بحال بنتي وأنا مدرت غا لي كان خاصوا يدار حيت كون كان كل شخص فبلاصتي غادي يبركها معاه فداروا حتا تولي مزيانة
لطيفة [وقفت وهيا كتشوف فيهم] : ربي يحفظكم وصبروا بلاتي نمشي نقول لبنتي توجد شي حاجة ناكلوها ونجي

• خرجات لطيفة وخلاتهم باركين ساكتين حتا نطقات إبتسام وهيا كتشوف فسميرة لي كانت باركة قدامها هيا ورضوان...

إبتسام : ختي سميتها رشيدة دابا تجي وتشوفوها أما بّا راه سميتوا جمال
سميرة : خاصوا يجي باش نهضروا معاه حيت منقدروش نمشيو ونخليوك بلاما نطمنوا عليك
إبتسام : شوية ويجي

• باقا مكملتش كلامها حتا بان ليها جاي داخل لصالون وهوا مخنزر فيها ، دخل تال لعندهم ومشا باغي يشن*ق عليها...

جمال : يا الكلبة جيتي ، فين كنتي هاربة مشيتي تفسدي ياك

• مشا ليها نيشات ويله كان غادي يشدها من شعرها حتا حس بيد رضوان شاداها ليه وسميرة من لور كتجر فيه من عليها...

رضوان [وهوا شاد ليه يدوا ومغطي إبتسام بظهروا] : تهدن خلينا نهضروا
سميرة [وهيا كتجر فيه] : بعّد على البنت راها مدارت والو
جمال [نتر منهم بجوج وهوا مخنزر فيهم] : شكون نتوما واش كديروا هنا

• دخلات لطيفة ورشيدة كيجريو لعندوا مني سمعوا صوت غواتوا من الكوزينة ، مشات شداتوا لطيفة وهيا كتحاول تهدن فيه رغم أنه الخوف راكبها من صبعها صغير...

لطيفة : جمال غا برك وتهدن وغادي نشرحوا ليك كلشي
جمال [نتر منها وهوا كيغوت] : اش غادي تشرحوا ليا واش كيفاش هاد الكلبة لي ناقصاها تربية كيفاش خرجات لطريق
رضوان [شاف فيه ونطق بصرامة] : برك اسي جمال وخلينا نهضروا بالعقل

• برك وهوا كيخنزر فإبتسام لي كانت مخبية ورى ظهر رضوان ، برك جمال مقابل معاهم وحتا رضوان برك حدا إبتشام وهوا محاول يطمأنها بلي مغاديش يقرب ليها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎