بين الثراء والبادية

الحلقة 105

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 105

                  •"بعــد مــدة زمنيـــة"•

• كانت زينة طوات ليها تقريبا نص تاع حويجها وعزلات ليها كل حاجة معا ختها وهيا كتهضر معاها ، اما غيمة لي كانت غا حاضياها ومصدومة من ترتيب لي دارت ليها وعاجبها الحال كيفاش كلشب مقاد...

زينة : اناري اختي تي هدشي راه عندك كتير
غيمة : وراه كلهم كنلبسهم
زينة : باقي خاصني نطيب لعشاء والى بقينا تا كملنا هدشي لهاشمي غادي يبقى بلا العشاء
غيمة [وقفت بالزربة كتحاول تمنعها باش متنوضش] : لا عفاك كملي هدشي
زينة : اجي نتي كمليهم انا نمشي نوجد العشاء دغيا ونرجع نعاونك
غيمة [وهيا كتحرك راسها بلا] : لا لا انا منقدرش نطوي راه هدشي كيدير ليا العصاب ، عرفتي شنو قولي ليا شنو نطيب وانا نطيب العشاء
زينة [صغرت فيها عينيها] : وتي كتعرفي طيبي بعدا
غيمة [تقادات فالوقفة وتكلمت بكل ثقة] : طبعا غادي نعرف نطيب يكفي قولي ليا شنو بغيتي نطيب والمقادير وانا قادرة نطيب
زينة [وهيا كطوي وتضحك] : واخا الآلة موهيم هانتي انا راه جبت واحد البطبوطة معايا من عند صحبتي وغادة ناكلها غا هيا معا آتاي وزيت العود باركة عليا يعني وجدي العشاء غا ليك ولهاشمي صافي
غيمة : اوا شنو ندير لينا ؟!
زينة : هانتي سيري طيبي غا شعرية بالماطيشة باركة شي لاخر مغاداش تعرفي ليه
غيمة [رجعات شعرها ورى وذنها] : امم وشنو هوما المقادير تاع هادي لي قلتي
زينة [حطت لبياسة لي فيدها وشافت فيها] : غادي تحكي جوج ماطيشات كبار وراس تاع ثومة وديري شوية ربيع وشوية تاع زيت والعطرية وعنداك تنساي الملحة راها هيا لي كتبنن كلشي وصافي شحري دكشي مزيان فالكوكوط ومن بعد كبي فيه الماء ويغلي شوية داك الماء ولوحي فيه ديك شعرية لي راها غادة تلقايها فالبلاكار
غيمة [سرطت ريقها بتوثر وهيا كدور هضرتها فمخها] : واخا انا نمشي نشوف

• مشات الكوزينة وهيا معارفة مدير ، حطات يديها على البوطاجي وهيا كتفكر هضرتها لي قالت ليها...

يامنة : قالت ليا حكي جوج ماطيشات وثومة هوما اللولين

• مشات لثلاجة قلبت على ماطيشات وجبداتهم وهزات ثومة من حدا القراعي تاع العطرية وحطتهم حدا ماطيشة وبركا كتشوف فيهم...

يامنة [وهيا شادة فعنقها بتوثر] : ودابا هدشي كيفاش غادي ندير حتا نحكروا

• بقات مدة وهيا واقفة كتشوف فيهم ومترددة واش تمشي تسولها فيه تحكهم ولا لا ، بعد تفكير طويل مشات لعندها وقفت كتشوف فيها وهيا كتفرك فيديها...

غيمة [وهيا منزلة راسها للأرض] : زينة
زينة [خاطبتها وهيا كطوي فالبياسة لي فيديها] : مالك
غيمة : فاش غادي نحك ديك ماطيشة وثومة
زينة [حطت لبياسة من يديها وشافت فيها] : راها الحكامة معلقة حدا القراعي تاع العطرية هزيها وغسليها وهزي الكوكوط راها مشللة وحطي فيها دكشي صافي
غيمة [هزات ليها راسها بأه] : اه صافي شكرا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎