🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 160
• بقات واقفة مدة كتفكر واش تنعس غير فهاد البيت ولا تمشي لعندوا وتنعس ، بقاو شلا أفكار كيديوها ويجيبوها بحال إلى مبغاش يخليها تنعس حداه ولا إلى هوا ما مولف على حد معاه فالبيت ولا الى مشات شنو غادة تقوليه ، بقات على هاد الحال حتا تفكرات سميرة وبلي الى فاقت وشافتها فهاد البيت مغاداش تبغي هدشي...• خدات شهيق زفير وخرجات من البيت لي هيا فيه ومشات للبيت لي كان فجنبها ليّمين ، وقفات حدا الباب المدة من بعد دقات وفتحات الباب ودخلت...
• بان ليها كيلبس فواحد تريكوا على البرد ، نزلات عينيها من عليه وحنحنات ، ضار شاف فيها ونطق وهوا كيقاد فشعروا...
رضوان : دخلي متبقايش واقفة
• تقدامات بجوج خطوات وهيا كتسرق بعض نظرات من البيت لي عمرها دخلات ليه ، كان بيت لي عادي فيه ماريو تاع تلاتة ديال البيبان وفيه ناموسية لي كبيرة الوسط...
رضوان [وهوا كيشوف فيها] : البيت ان شاء الله عما قريب غادة ندير فيه تغييرات باش يكون مناسب ليك
إبتسام [حركات ليه راسها بلا] : لا لا ماشي مشكيل ميحتاجش
رضوان [مشا برك فطرف ناموسية] : لا خاص يتبدل حيت هذا ماشي بيت مناسب تعيش فيه شي مرأة كيف شفتي مافيه لا مرآيا لا بلاكارات كيف نتوما كيعجبكم
إبتسام : هيا فصارحة لبيت كيبان كيئيب شوية
رضوان : تقدري تقولي ليا تغييرات لي تبغي يكونوا فيه وأنا نقادوا ان شاء الله كاع سيمانة جاية فبحال هاد نهار نكون كملت
إبتسام [وهيا كتشوف فالحيوطة لي مكان فيهم حتا ديكور] : يعني دابا نقدر ندير فيه لي بغيت
رضوان [وهوا كيتقاد فبلاصتوا] : أه طبعا دابا راه ولا البيت حتا تاعك
إبتسام : صافي شكرا
رضوان : غادة تبقاي واقفة تم دوزي تكاي لبغيتي تنعسي
إبتسام [سرقت ريقها بتوتر] : أه واخا• تحركات بخطوات قليلة حتا وصلات لجيهة ثانية من ناموسية ، بركات على طرف ناموسية وعطاتوا بظهر وبقات على داك الحال حتا تشجعات عاد تقادات فالبلاصة تاعها وتكات على ظهرها وهيا كتشوف فسقف...
• كانت كتحس بلي المسافة لي بيناتهم قليلة بزاف عكس الأيام لي فاتوا ، بقا كيشوف فيها ومتبع حركاتها حتا حس بتوترها زايد وهوا يعطيها بظهروا وغمض عينيه مستسلم لنعاس...
• اما هيا لي غير حسات بيه عطاها بظهر وهيا تنهد وقررات ترمي أفكارها لي كيشوشوها وتحاول تنعس باش ترتاح ليها...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...