بين الثراء والبادية

الحلقة 161

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 161

•"أصبحنا وأصبح الملك لله"•

▪︎ فدار عند خديجة لي كانت باركة حدا بوشعيب والبنات وعزيز لي كانوا كلهم باركين كيفطروا في صمت حتا نطقات خديجة...

خديجة : بوشعيب راك عارف ليوم جايين الخطاب فرجع بكري
بوشعيب : متخافيش واحد شوية ونرجع أنا وعزيز
خديجة : اوا غا متبقاش مجمع معا صحابك وتنسا بنتك
بوشعيب : لا متخافيش غادين نجيو قبل منهم كاع
خديجة : صافي واخا

• خرج بوشعيب هوا وعزيز وخلاو خديجة والبنات باركين كيفطروا وكيتحتوا وفالنفس الوقت كيفكروا شنو غادين ينوضوا يديروا...

▪︎ عند رضوان لي كانت واقف كيبدل فالحويج تاعوا حتا بدا كيحس بإبتسام كتفيق ، ضار شاف فيها وهوا كيلبس فالجلابة تاعوا...

رضوان : صباح الخير
إبتسام [وهيا كتحك فعينيها] : تعطلت فنعاس
رضوان : لا راه باقي الحال وأصلا مكين ميدار باش تفيقي بكري
إبتسام [نزلات رجليها الأرض وهيا باق باركة فوق ناموسية] : لا خاص نفيق نعاون خالتي
رضوان [حط يدوا على مقبد الباب وضار شاف فيها] : الى سولتك مِّي على أي حاجة قولي ليها كلشي داز بخير
إبتسام : كيفاش مفهمتش
رضوان : ديري دكشي لي قلت ليك وصافي [نعت ليها على واحد طرف فالأرض] وهداك عطيه ليها خليها تيق بلي راك شّضريفة وماشي تشك
إبتسام [ناضت وقفت وهيا مفاهماش] : راني مفهمتش اشنو كتقول والله
رضوان [مشا هز طرف الأبيض من الأرض وعطاه ليها] : هذا هاهوا مني تسولك مِّي على شي حاجة قولي ليها كلشي داز مزيان وهاد طرف عطيه ليها باش متشك ما والو بلي راه هضرة تاع دواركم صحيحة وبصح كين شي راجل قرب ليك قبل زواج
إبتسام [وهيا كتشوف فالقطرات تاع دم لي فطرف] : صافي واخا ولكن كيفاش درتي هدشي واش جرحتي راسك
رضوان : عادي غا جرح بسيط درتوا فرجلي وصافي موهيم غادي نمشي ونتي بقاي باركة شوية عاد خرجي
إبتسام : صافي واخا

• خرج رضوان أما هيا فحطات طرف فالأرض ومشات تخشات فبلاصتها مكمدة على البرد وكتفكر فهدشي لي دار معاها ، حاولات تحلل وتناقش تصرف تاعوا ولكن موصلات لحتا نتيجة...

• بعد مدة لي مكانتش طويلة بزاف سمعات الباب دق وتحفح من طرف سميرة لي دخلات لعندها وهيا مبتاسمة وزادت توسعات إبتسماتها أكتر فاش شافت طرف الأبيض محطوط فالأرض وعليه بعض قطرات دم ، حطات يدها فوق الفم تاعها وزغرتات تلاتة تاع تزغريتات...

سميرة [قربات لحداها] : صباح الخير أبنتي [حطات يدها على كتف إبتسام] كيف كتحسي براسك واش مزيانة
إبتسام : أه مزيان
سميرة : أنا أبنتي نمشي نسخن ليك الماء باش دخلي تدوشي ونوجد ليك شي حاجة تاكليها
إبتسام : لاش ندوش راني غا البارح دوشي
سميرة : لا أبنتي خاصك تدوشي وتبدلي حويج باش ترتاحي وتقدري حتا تصلي موهيم نتي بركي هنا متنوضيش حتا نجي

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎