بين الثراء والبادية

الحلقة 155

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 155
   ▪︎فالصالون عند إبتسام ورضوان لي كان كل واحد بارك فبلاصة ، إبتسام كانت حّادرة راسها ومرة مرة كتشوف فرضوان لي كان كيبان غايب على الواقع ، بقات مدة طويلة وهيا باركة مترددة واش تزعم وتهضر ولا تخليه بخاطروا وتبقى ساكتة...

• بعد مدة طويلة من تفكير ومن صمتها تشجعات وقررات تهضر ، هزات عينيها فيه كان كيبان ليها باقي سارح فتفكيروا وكيشوف فالفراغ...

إبتسام [بنبرة تساؤل] : واش ندمتي ؟!

• بقات ساكتة كتسناه يجاوبها ولكن مكان حتا رد منوا ، حتا نيسات من جوابوا مني بان ليها مدار حتا ردة فعل وهوا ينطق وهوا باقي ميكشوفش فيها...

رضوان : لا [ضور عينيه ليها] ونتي
إبتسام : أصلا مكانش عندي لإختيار باش ندم ولا لا

• عم صمت لمدة طويلة بيناتهم ، كانت غير كتشوف فيه كيفاش ملامحوا كيبانوا جامدين ومعندهم حتا ردة فعل نهائيا...

• بعد مدة ضور وجهوا لعندها حتا تقابلوا عينيهم بجوج ، بقات مقابلاه بكل جرأة منها حتا بان ليها وقف وجا برك حداها ، نزلات عينيها للأرض وهيا كتسمع ليه...

رضوان [وهوا حاط يديه على سداري ومنزل راسوا] : تقريبا أسرع زواج فالعالم هوا هذا

• طلع راسوا كيشوف فيها وهوا كيقهقه بضحكات مثتالية ، بتاسمات ليه فوجههوا ونطقات بكل ثقة وهيا حاطة عينيها فعينيه...

إبتسام : وغادي يكون من أحسن زواجات

• بقا ساكتة كيشوف ليها فعينيها لي كيحاول يفهم منهم واش هضرتها كتعنيها و واش بصح الثقة والقوة لي خرجات بيها هاد الكلمات غادي تخلي هضرتها تكون على صح...

رضوان [وهوا باقي حاط عينيها فعينيها] : واخا فقلبي بنت خرى ؟!

• بقات كتشوف فيه بملامح وعيون صعيب تفهم منهم شي حاجة ، كان كيحاول يقرى جوابها غير من عينيها ولكن مقدرش يفسّر تعابيرها لأشمن شعور كتحس بيه...

• كانت كتحس بصدمة من أخر جملة قال ولكن حاولات تبقى على نفس الهدوء لي هيا فيه ، بتاسمات ابتسامة خفيفة ونطقت بهدوء وثقة كغمر عينيها...

إبتسام : واخا معرت شنو يكون غادي ينجح
رضوان [تقاد فالبركة وشاف فيها بإبتسامة] : إن شاء الله

• طول فيها شوفة وعلى ملامحوا إبتسامة خفيفة ، نزل راسوا فاش بان ليه جمال جاي من بعد وحتا هيا غير لمحت الأب تاعها جاي ومشات خرجات من صالون ودخلات للبيت تاعها وبركت...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎