بين الثراء والبادية

الحلقة 70

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 70
• قبل ميخرج نطق لهاشمي مخلي خطوات عزيز تحبس قبل ميفوت العتبة تاع الباب ويمشي من دار بصفة نهائيا...

لهاشمي : عرفتي شحال كنتمنى لو وليديا يرجعوا ولو غير دقيقة وحدة نشوفهم ونعنقهم والى بغاو يمشيو يمشيو ، واش عرفتي شحال ندمان انني مكنت معا حتا واحد فالموت تاعهم ، شحال خيبة تشوف شي نعمة عند شي حد ونتا محتاجها وهوا باغي يلوحها فنار ، عمر وليدينا غادين يبغيو لينا شر وعمر وليدينا غادين يبغيو يجريو علينا
عزيز [ضار لعندوا وتكلم بهدوء] : اه وشنو معنى معندك لحق تهضر معا حد حيت هوما باركين فداري انا

• تكلم بوشعيب من وراء لهاشمي بعدما خرج من البيت وكان سمع الهضرة لي ضارت بيناتهم من الاول تاعها حتال الاخر...

بوشعيب [بملامح مكتوحي على حتا مشاعر] : وشنو معنى ديالك انك تبغي تجري على واحد من دار لي بارك فيها عندنا مصتضيفينوا عندنا بعدما كان قدم لينا بزاف تاع الحويج ، وشنو معنى تجرح شي حد بكلامك وتبين ليه بلي هوما تقال على كتافنا بسبب لي هوما مضاروا فيه لا بيديهم لا برجليهم [شاف فلهاشمي لي كان ضار لعندوا] اولدي هداك لي كيقولك جريت عليه راه ناض عاير رضوان والأم تاعوا ومهضرتش ومني عاير غيمة وهضرت قالك جريت عليه
عزيز : انا مبغيتش نحس براسي متقل على شي حد دكشي باش قررت نمشي بحالي
بوشعيب [ضحك بسخرية] : مجري عليك واش حتا ولاو كتافك كبر من كتافي عاد تقلتي عليا وغادة نجري عليك ، واش باقي انا لي كنوكلك ؟! واش باقي كنصرف عليك ؟! هدشي كلوا لا راك معول على راسك وخدام
وعزيز : ولكن راني ساكن فدارك
بوشعيب : طوال زمان ولا قصار غادين نموت وتشدها نتا وختك
لهاشمي : برى والباس عليك اعمي [ضار عند عزيز] دخل اعزيز ونعل شيطان دخل

• طول شوفة فبوشعيب كأنه كيتسنا شي كلمة من عندوا لي تخليه ياخد قراروا الأخير ويدخل حتا كيشوف فسعيد واقف عليه من لور...

سعيد : لهاشمي علاش تعطلتي راه بغينا نمشيو [شاف فبوشعيب لي ملامحوا شاحبة] مالك ابوشعيب [شاف فيد عزيز لي هازة ساك] ونتا فين غادي
لهاشمي : راه دخلت ولقيت عزيز باغي يمشي بحالوا دكشي باش تعطلت
سعيد : فين ناوي تمشي بسلامة
عزيز : معرفتش ولكن نخرج من هنا ونقلب على راسي
سعيد : ومرتك فين غادي تخليها
عزيز : قلت ليها ترجع لدارهم حتا نرجع ونديها معايا
بوشعيب : راك غا كتخربق هاكا واش درية يله تزوجت وترجع لدارهم اش بغيتي ناس تقول عليها
لهاشمي : راه معندوا فين غادي غا كونوا هانين [جروا من مأخرة راسوا ونطق بهمس] حسابي معاك على كلامك لغيمة هوا لخر ودابا غا دخل خلي بلاصتك مزيانة

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎