🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 71
• دفعوا مبعدوا على الباب حتا وقف حدا بوشعيب لي كان واقف وكيشوف فيه بدون اي حركة وبدون اي ملامح...عزيز : دابا واش ندخل ولا لا
بوشعيب : نتا وقانتك بغيتي دخل دخل• حط ساك وعنق بوشعيب بعدما حس بلي بصح هدشي لي كيدير فيه راه غير خرجان لعقل ، بادلوا بوشعيب لعناق وشاف فلهاشمي بتاسمة لي كانت كفيلة باش تقول بزاف تاع الحويج لهاشمي...
بوشعيب [بعدوا عليه] : سير دخل عند مك لي بكيتيها البكاء لي انا وعمرني بكيتوا ليها
عزيز : انا غادي نمشي عندها [شاف فسعيد] كنعتاذر منك اعمي مكنتش قاصد هضرتي تاع قبيلا
سعيد : هانية راك بحال ولدي مغاديش نتقلق عليك
عزيز : وغيمة فينها باش نعتاذر ليها حتا هيا
سعيد : غيمة كعما كتشد فخاطرها غير كون هاني
لهاشمي [وهوا مخنزر فيه] : سير شوف خالتي ومرتك سير• دخل عزيز عند خديجة ولبنات لي كانوا دخلوا للبيت عندوا وبركوا وخلا لهاشمي وبوشعيب وسعيد واقفين برى كيهضروا...
بوشعيب : شكرا اولدي على هدشي لي درتي معانا معرفت كيفاش غادي نشكرك
لهاشمي : الواجب تاعي هذا معندك لاش تشكرني عليه على انا مكتحسبنيش بحال ولدك ؟!
بوشعيب : ربي شاهد عليا بلي راك بحالك بحال عزيز
لهاشمي [بإبتسامة] : عارف لي كين والله
سعيد : لهاشمي خاصنا نمشيو راه غادي ظلام ظلمة علينا
بوشعيب : مزال حتا نتا مباغيش ترجع لدار
سعيد : انا غدا غادي نمشي لهاشمي غادي يعقد على غيمة وصافي ونشمي
خديجة [حاطة يدها على نصها ومخنزرة فيه] : اش ناوي دير
لهاشمي : انا وغيمة غادين نتزوجوا غدا وصافي هوا يمشي يكمل شغلوا
خديجة [وهيا مخنزرة فيه] : على ناوي تدي ليا بنتي بسكوتي مالها معندها اهل معندها حباب
لهاشمي : لا راه مني يرجع نديروا الفرح
خديجة : راه والله العلي
سعيد [قاطعها سعيد] : متحلفيش اخديجة راه خاصني نمشي ومنقدرش نديها معايا ومنقدرش نخليها بوحدها
خديجة : ومالي انا اش كندير هنا دكشي لي تخليها فدار عند هاشمي وتا ترجع ودير الفرح خليها عندي وسير حتا ترجع وزوجهم ديك ساعة نديروها ليها ليلتها وتمشي بعزها
سعيد : معرفتش والله انا هضرت معاها وراه مشينا تقدينا ليها الحويج يعني مبقى خاص
خديجة : مغاديش نهضر ليك علاش مشيتي شريتي ليها بلا بينا ومغاديش نتقلق ولكن بنتي مغاداش تمشي لدار راجلها بسكوتي• تنهد لهاشمي وشاف فسعيد وهوا كيطلب من الله باش يرفض العرض تاع خديجة ويخلي دكشي لي باغي هوا لغادين بيه...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...