بين الثراء والبادية

الحلقة 128

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 128
• كملات المشيط تاع شعرها من بعد حطات المشطة وناضت حيدات الفوقاني تاع البيجامة وبقات غير بديباردور لتحتاني لي كان فالأبيض...

لهاشمي : خليك لابساه راه غادي يضربك البرد
غيمة [حركات راسها بلا] : لا مكنقدرش ننعس مرتاحة بحويج كتار بحالا قبيلا نعست معنكشة
لهاشمي : اه واخا

• مشات طفات ضوء تاع البيت ورجعات تكات فبلاصتها ، تقاد لهاشمي وجرها لعندوا معنقها من ضهرها بعدما كان غطاها مزيان...

لهاشمي : خليك قريبة مني
غيمة : علاش ؟!
لهاشمي [طبع قبلة فكتفها] : مكينش عندي جواب ولكن هاكا انا باغي

• عم صمت لمدة لي كان كل واحد منهم وتفكيروا فين ماشي ، لهاشمي كان كيفكر فسؤالها وكيقلب على جواب مقنع ليه أما هيا فكانت كتحاول تعرف شنو هوما هاد الأحاسيس لكتيرة لي ولات كتحس بيهم...

• مخرجهم من تفكيرهم غير صوت الشتاء لي بدات كتنزل خيط من سماء شي لي سقف لي مبني من القزدير "القصدير" يعطي واحد صوت واعر لي كان ما مفهوش لغيمة شي لي خلاها دور مخلوعة عندوا...

غيمة [بخوف] : شنو هدشي
لهاشمي [زاد خشاها فيه وهوا مبتاسم] : مخافيش هادي غير شتاء ترخاي وستمتعي بصوت تاعها لي ناتج من سقف باش مبنية دار تاعنا [نزل عينيه ليها] هدشي ماشي من مستواك عارف ولكن حاولي متاخديش هدشي بمعنى المادي وانا متأكد بلي غادي تستمتعي بيه

• حطات راسها على صدروا وبدات كتحاول دير دكشي لي قالها ، بعدات الخوف من على بالها وبدات كتسمع لداك صوت لي مجهد وكيحسس براحة الى حاولتي تستمتعي بيه ، بعد وهيا كتستامع لصوت نطقات وهيا كتشوف فيه بتسائل...

غيمة : هذا ماشي فصل الشتاء واش مني سبّات شتاء دابا غادي يطرى شي حاجة لدكشي لي كديروا
لهاشمي : هنا راه كملنا والمحاصيل كلهم راهم تحت الميكات الكبار يعني مغادي يطرى ليهم والو
غيمة : أه صافي

• رجعات خشات راسها فصدروا وهيا مستمتعة بالأصوات لي كانوا ، بقات على هاد الحال حتا حبسات شتاء وستسلمات هيا لنعاس...

                    •" 03:30 تقريبا "•

    ▪︎ فالدار عند سميرة وبالضبط فالبيت عندها فين كانت ناعس البنت لي جاب رضوان ، بدات كتحل فعينيها بشوية وهيا كتحرك فيديها ، فتحات عينيها البنيين وبدات كتشوف فالسقف وهيا كتحاول تستوعب فينها هيا وشكون هيا واش كدير هنا...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎