بين الثراء والبادية

الحلقة 188

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 188
• بقات واقفة وهيا مسمرة من هاد المنظر حتا هز لهاشمي عينيه فيها مني سمع الباب تحل عليهم ، ضارت ديك البنت لي كانت واقفة حداه وهيا مخنزرة...

*** : شكون هادي ا هشام [وهيا مخاطباها بكلامها] شكون نتي وكيفاش دخلي بلاما دقي الباب واش مكتعرفيش الإحترام

• كانت كتهضر بداريجة لي معكلة شي لي خلا غيمة تفهم بلي هيا معيشاش هنا ، حطات يديها على جنابها وتحركات تا وصلات لعندها...

غيمة : نتي لي يمكن خاص نفهك شنو هوا الإحترام [هزات يديها كتشالي بيهم] ومن فوق هدشي كلوا نعلمك كيفاش تبعدي على رجال لمزوجين وكدلك نوريك كيفاش تعلمي تنطقي سميات عباد الله مزيان [شداتها من شعرها وجرتها للأرض ونعتت على لهاشمي] هذا ازين راجلي وسميتوا لهااشمي ماشي هشام راه مذبوح عليه حوْلي كبير الى مفخباركش فاش بغا يتسمى هاكا

• هبطاتها للأرض وقبل متبدا تقمش فيها حسات بشي يدين هزوها من وسطها مبعيدنها عليها ولكن هيا مباغاش طلق منها...

لهاشمي [وهوا هازها وكيغوت] : طلقيها اغيمة
غيمة [طلقاتها وهزات يديها كتحلف عليها] : والله اشيطة وباقا تقربي ليه تناكلك بيديا

• وقفات كتسوس البنت فحويجها وكتعاير فيها بواحد اللغة لي كانت غيمة مكتفهمهاش شي لي خلاها تعصب من كلامها...

غيمة : يا الكلبة كتعيريني باللغة خرى واخا دابا نوريك [بدات كتحاول تفك من لهاشمي لي شادها] طلقني خليني نمشي ليها
لهاشمي [نطق موجه كلاموا للبنت] : سيري خرجي نكمل ونجي عندك

• خرجات البنت وهيا كتقاد فحويجها وتعاير أما لهاشمي فحط غيمة للأرض وهيا مخنزرة فيه ، دارت يديها على نصها ونطق بعصبية...

غيمة : كيفاش تمشي عندها واش مكتحشمش كتخوني قدام عينيا
لهاشمي : نعلي شيطان أش بيني وبين شي خيانة
غيمة : اوا شرح ليا أش كنتي كدير معاها هنا راسها
لهاشمي : بيني وبينها لخدمة كنت كنعرفها يامات المدرسة وفاش تلاقيت معاه ديك سيمانة قررات تقدم البروجي تاعها [وهوا كيضغط بكلمات] لشركة تاعك ، ودابا طالما رجعتي إذا مهمتي هنا سالات وتقدري تكملي معاها راسك [تم غادي خارج] الى حتاجيتي شي سؤال سكرتيرة تشرح ليك كلشي
غيمة [بصوت حنين عكس اللول] : دغيا بغيتي تكمل حياتك بلا بيا
لهاشمي [ضار كيشوف فيها بلا مشاعر فملامحوا] : نتي لي قررتي تنهي هدشي وأنا حتارمت رأي تاعك فقط
غيمة [قربات ليه وهيا مذبلة فيه عينيها] : وزعما هاد رأي تاعي الى مترجعش تحتارموا

• حرك راسوا بلا حولة ولا قوة إلى بالله وهوا كيضحك من تصرفاتها ، قربات ليه معنقاه وهيا مبتاسمة وفرحانة من أنه خطتها نجحات باش طيحوا...