بين الثراء والبادية

الحلقة 73

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 73
• مشاو لبسوا عليهم جلالبهم وخرجوا بتلاتة غادين عند دار سميرة باش يعرضوا عليها لضريب صداق تاع غيمة ولهاشمي غدا...

   ▪︎ اما عند سعيد لي كان وصل قدام دار تاع لهاشمي وزينة ، وقف طموبيل وضار شاف فلهاشمي وتكلم معاه...

سعيد : غدا راه غادي نجي عندكم ونهزكم كلكم صافي
لهاشمي : صافي واخا وراه غادي تلقى معايا العدول
سعيد : صافي ان شاء الله

• نزل لهاشمي هوا وزينة ومشاو دخلوا لدارهم بعدما خداو الحويج لي شرات زينة ليها اما سعيد فدازت حداه غيمة وبركات وتحركوا حتا وصلوا قدام دار...

• نزلوا ونزلوا تقدية ، دخلوها لداخل ومشاو بركوا فوق سداري كيحاولوا يرتاحوا ، حطات راسها على لحيط حتا نطق سعيد شي لي خلاها تهز راسها فيه...

سعيد : ان شاء الله غدا معا الغذاء غادي نمشي كنتمنى تكوني سعيد بهدشي لي غادي يطرى وكنتمنى من هنا لقدام تكوني سعيدة
غيمة [بإبتسامة مصطنعة] : انا فرحانة الى نتا فرحان
سعيد [طول شوفة فعينيها] : اي حاجة درتها اغيمة راه درتها غير على قبلك
غيمة : عارفة ابابا [جمعت الوقفة مشتتة نظرها بعدما حسات بعينيها غادين يعمروا بدموه] : انا غادي ندي هدشي للبيت ونحطوا
سعيد : اه واخا ديه ابنتي وانا غادي نطيب لينا شي حاجة ناكلوها

• مشات هزات الحويج تاعها وداتهم لوحدة من الغرف وحطاتهم وبركات فوق ناموسية لي كانت وسط البيت ، حطات يديها على وجهها مغطية دموعها لي كينزلوا بغزارة ، عمرها تخيلت راسها غادة تزوج بهاد شكل وعمرها تخيلت غادة تزوج فهاد سن ، حتا حاجة مراضية عليها ولكن كتحاول ترغم كلشي على راسها على قبل الأب تاعها لي طول عمروا كيقدم ليها بدون مقابل...

• حيدات شال لي كان على راسها ومسحات على شعرها ومشات دخلات للحمام غسلات وجهها وحطات يديها على لاڤابوا وهيا كتشوف فراسها فالمرآيا ، طولت شوفة فراسها لمدة طويلة من بعد نطقات بكلمات قلال كتحاول تقوي راسها...

غيمة : نتي قوية وغادي تقدري تجازوي هدشي وكلشي غادي يكون مزيان

• بقات لثواني كتشوف فراسها من بعد دخلات دوشات ليها دغيا وخرجات لبسات بيجامة ونزلات عند سعيد لكوزينة بإبتسامة خفيفة على ملامحها...

غيمة : دغيا وجدتي العشاء
سعيد [وهوا كيضحك] : راه نتي لي تعطلتي باش نزلتي
غيمة : دوشت دكشي باش تعطلت
سعيد [هز زوج طباسل لي فيهم سباكيتي وحطهم فوق طبلة] : تعالي تاكلي

• بركوا بجوج فوق طبلة وبداو كياكلوا فجو غالب عليه صمت نوعا ما من بعد ناضت غسلات دوك الماعن لي كانوا وكل واحد فيهم مشا لبيت باش ينعس ليه ويرتاح حيت تابعاهم غدا تمارة...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎