بين الثراء والبادية

الحلقة 21

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 21
• جرات يامنة غيمة حتا وقفت ومشاو غادين خارجين بجوج باش يمشيو عند نورة لي كانت فالكشينة...

يامنة : اويلي يِّما واقيلا تفروحات فراسها
غيمة : علاش مالها
يامنة : بَّا كعما عارف بلي الفرح غادي يدار فهاد نهار وكعما علمتوا وناضت دارت لي بغات
غيمة : ونتي باش عرفتيها معلمتوش
يامنة : وراه باينة مقالت ليه والو موهيم وخليها منها ليه هيا نعست وفاقت ومنعرف اش قاليها راسها

• سكتوا ودخلوا بجوجهم عند نورة لي كانت باركة كتعمر فآتاي ، مشاو فوق سداري لي كين تم حداها وبركوا...

نورة [بإبتسامة] : عرفينا على ضيفة لي معاك
يامنة : هادي بنت خالي وسميتها غيمة
نورة [ضارت كتشوف فيها] : سميتك غريبة ولكن زوينة
غيمة : شكرا
نورة : وانا سمية تاعي نورة
غيمة : متشرفين
يامنة [وهيا كتشوف فيها وضحك] : مبقا ليك والو وتولي مرت خويا
نورة [بإبتسامة خجل] : امم ان شاء الله
يامنة [مشات وقفت حداها وبدات كتهر فيها] : شوفوا ليكم نورة حتت هيا ولا كتحشم
نورة [وهيا كتحاول تبعدها عليها وكضحك] : زقاي ايامنة وتي حبسي حسن منقول تا انا اش كين
يامنة [حطات يدها على فمها] : شوو سكتي وهانا حبست
نورة : اوا سيري بعدي عليا لهيه
يامنة [بعدات عليها ووقفت] : متعرفوش لضحك ياربي سلامة

• بداو كيضحكوا وغيمة غير ساكتة وكتشوف فيهم ومرة مرة كضحك من تصرفات لي كيديروا بجوج ، حسات بلي ضلمات راسها مني مكانتش كتجي معا باها تشوف بلادهم وتعيش معا ناسها واحد المدة معينة ،

• بقات غارقة فأفكارها حتا سمعت يامنة لي كتهضر معاها وهيا هازة بلاطوا لي فيع طبيسلات صغار فيهم زيت والعسل وأملوا وشلا حويج...

يامنة [وهيا هازة البلاطوا وغادة خارجة ورى نورة] : واا غيمة تي نوضي يله نمشيو
غيمة [جمعت الوقفة] : اه هانا
يامنة [وهيا كتنعت ليها على طبق تاع الخبز] : هزي معاك الخبز وتبعينا

• هزات الخبز وتبعاتهم ، مشاو دخلوا للبيت عندهم وحطات نورة سينية تاع آتاي وتبعاتها يامنة لي ستفات طباسل من بعد حطات غيمة الخبز وبركوا فبلايصهم...

سميرة [بدات كتكب فآتاي وتعطيهم] : زيدوا مرحبا مدوا يديكم متحشموش

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎