بين الثراء والبادية

الحلقة 126

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 126
• كانت متبعة معاه هضرتوا ولكن معا اخر حاجة قالها ستوعبات بلي هاضر على راسوا ، هزات يديها وضربتوا لكرشوا بمرفقها حتا شد نزل شاد فكرشوا...

غيمة [حطات يديها على خصرها] : ومحشمتيش بارك كتبان عليا وزيدون تا شكون هذا لي كيخاف منك اسي لهاشمي
لهاشمي [حط يدوا على قلبوا] : ااح على سميتي كيفاش خارجة من فمك
غيمة [رجعات شعرها ورى وذنها وهيا كدور فعينيها] : انا غاجة نمشي نلبس

• خرجات كتجري وهيا كضحك بدون صوت ، دخلات للبيت وقفت حدا لمرايا كتشوف فراسها وكتبتاسم ، بقات مدة حاضية راسها وكتفكر تصرفاتوا معاها شي لي كيخليها مرة مرة تبتاسم...

• نفضات هاد الافكار من راسها ومشات هزات قبية عريضة بالكحل معا سروال عريض بالنفس اللون ولبساتهم وهزات كاشكول ملون ودارتوا فعنقها بعدما جمعات شعرها أما فرجلها لبسات سبادرية تاعها وهزات معاها مونطوا طويل باش لحسات بالبرد تلبسوا ، خرجات برى كتقلب على لهاشمي حتا بان ليها بارك كيتسناها وهوا لابس مونطوا وسبادري فرجليه...

غيمة : دغيا لبستي
لهاشمي : كنت لابس اصلا زدتني غير المونطوا [وقف وطلعها وهبطها] لبس امم موهيم غا يله اصلا مستحيل نتلاقاو معا شي حد
غيمة : شوف نشرح ليك زيف انا مزال ممقتانعاش بيه نهار نقتانع بيه كنواعدك غادة نديروا
لهاشمي [قرب ليها وشد وجهها بين يديه] : وانا كنتسنا داك نهار بفارغ صبر ودابا يله نخرجوا

• شابك صبعانهم معا بعضياتهم وخرجوا بعدما سد لباب تاع دار ، بقاو غادين كيتمشاو تحت ضوء القمر لي عاطي جمالية للمكان ، كان البرد كتير شي لي خلا لهاشمي يجر عندوا غيمة ويعنقها على لبرد وهوما كيتمشاو...

لهاشمي : فيك البرد
غيمة : غير فيديّا وفوجهي صافي
لهاشمي [شد يديه بين يديها] : ودابا باقي كتحسي بالبرد
غيمة [هزات فيه عينيها] : وفوجهي باقي فيا البرد
لهاشمي [حط يديه على وجهها] : خشي يديك فجيابك باش يبقاو دافين

• ضارت دكشي لي قاليها وهزات فيه عينيها وهيا مبتاسمة ، بقا مدة قصيرة وهوا على نفس الوضعية تاعوا حتا سمعها نطقات...

غيمة : صافي يله نتحركوا
لهاشمي [ضار ليها القب تاع القبية] : واخا الآلة ولكن خلي هذا على البرد

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎