بين الثراء والبادية

الحلقة 13

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 13
   ▪︎عند خديجة لي كانت كتكسكس فالكسكسوا فالقصرية باش تسقيه للخدامة لي برى حتا دخل عليها بوشعيب...

بوشعيب : خديجة سقيتي راه لهاشمي وعزيز جاو يديو لغداء
خديجة : اه هانا كنسقي ليهم [ضارت كتشوف فيه] وواش قلتي ليه باش يجيب زينة ويجي يتغدا معانا
بوشعيب : اه قلتها ليه وراه زينة جات معاهم
خديجة : وفين هيا ؟!
بوشعيب : راها باركة فصالون
خديجة [بالغوات] : زينة واا بنتي زينة

• دخلات عندها بنت بشرتها حنطية وعينيها فالبني فاتح ، كانت لابسة جلابة ودايرة على راسها زيف ، شافت فيها بإبتسامة وهيا كتهضر معاها...

زينة : نعام ايِّما خديجة
خديجة : لاش بقيتي باركة وحدك تم مالك برانية
زينة : كنت كنتسنا فيامنة تخرج عندي
خديجة : سيري عندها راها وراء دار باركة تحت شجرة
زينة : واخا اخالتي انا نمشي عندها

• خرجات زينة برى وتلاقات معا عزيز ولهاشمي واقفين برى كيهضروا بجوج وكيتسناو بوشعيب يخرج ليهم القصرية...

لهاشمي : فين غادة نتي
زينة : غادة غير عند يامنة اخويا
لهاشمي : اه سيري وحضي راسك
زينة : واخا

• ضارت وراء دار وخلاتهم واقفين بجوج ، اما لداخل عند بوشعيب وخديجة لي كانت كتغطي فالقصرية...

بوشعيب : خديجة ديري جوج قصريات وحدة لعيالات ووحدة لرجال
خديجة : علاش كين لي براني
بوشعيب : غير ديري جوج وفرقي وصافي
خديجة : واخا وهاك هز لقصرية ديها ليهم باش يديوها وقوليهم يرجعوا باش ياكلوا
بوشعيب : واخا احنا شوية ونرجعوا كلنا غا سقي باش تبرد القصعة
خديجة : واخا صافي

• هز القصعة وخرجها لعندهم وخلا خديجة كتسقي فالقصريات لخرين ، برى عند بوشعيب لي كان عطا للهاشمي يهز القصرية...

بوشعيب : هانتوما مني تموا جايين جيبوا معاكم سعيد عنداكم تنساوه حدا الخدامة
عزيز [وهوا كيضحك] : صافي واخا غادي نجيبوه معانا

• مشا بحوجهم وخلا بوشعيب لي دخل لدار باش يشوف شنو ناقص خديجة ، اما وراء دار فين كانت باركة يامنة وغيمة حتا لمحوا زينة جاية لعندهم...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎