بين الثراء والبادية

الحلقة 43

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 43
• رجعت باست ليه يديه ودخلت وهيا كتفكر فهدشي لي قاليها حتا وقفتها يامنة لي كانت خارجة من لكشينة...

يامنة : تي فين ساهية
غيمة [قفزت وشافت فيها] : ااه شنو
يامنة : تي فين كنتي ساهية
غيمة : فحتا بلاصة
يامنة : اوا تعالي نبركوا حدا نورة تعالي

• مشاو بجوج بيهم لعند نورة لي كانت باركة فالبيت عندها بوحدها بعدما خرج عزيز معا بوشعيب مني تعشا...

يامنة [وهيا جاية داخلة] : هاحنا جايين نصدعوك شوية
نورة [وهيا كضحك] : دخلوا ونسوني دخلوا
يامنة [مشات بركات حداها] : اجي فينهم الكدوات لي جابوا ليك لعيالات
نورة [بعد شوية منها وهضرت وهيا كضحك] : شوفي نقولك ولتغوتيش
يامنة [صغرت عينيها فيها] : قولي
نورة : حليتهم انا وغيمة
يامنة : والله مكتحشموا بجوج [شافت ليها فعنقها] : حتا هاد سنسلة لقيتها معا الكدوات
نورة [تلمست سنسلة وهيا كضحك] : لا اختي هادي جابها ليا زماني الله يخليه ليا قبيلا مني جا من سوق
يامنة [ضارت شافت فغيمة] : وهانتي شوفي ليك عليها عايشة لحب والغرام ومخليا خوتاتها
نورة : يكما بغيتوني نقسموا معاكم نوضوا خرجوا عليا مكتحشموش
يامنة [شدت فغيمة وتمات غادة خارجة] : سرنا حنا لي كنا جايين عندك وبغينا نماكيو ليك ونقادوك زعما لداك زوجك ساعة متستاهليش
نورة [مشات كتحزر فيهم] : غا تعالاو بركوا راني غا كنضحك معاكم
يامنة : وراك متسواي متصلاحي

• مشات غيمة جابت الماطيريال تاعها ورجعت لعندهم ، سرحات ليها شعرها وخلاتوا ليها مطلوق وضارت ليها عكر وريسيل اما يامنة فجبدات ليها حويج من الماريو وحطاتهم ليها باش تلبسهم...

يامنة : يله بسلامة نخليكم
غيمة : بلاتي بلاتي [جبدات واحد ريحة صغيرة عندها] هاكي مني تلبسي رشي من هادي راها واعرة
يامنة : عطيني نشم [خداتها من عندها ورشات فيدها وشماتها] الله الله هادي راها دوخاتني انا
نورة [خداتها وهيا حناكها حمرين] : سيري خرجي بحالاتك سيري
يامنة [وهيا غادة خارجة] : مصدقتيش صدقتي غا صاحبة مصلحة

• خرجاتهم وسدات عليهم الباب ، مشاو دخلوا للبيت فين غادين ينعسوا وفرشوا بلاصتهم وتغطاو وبركوا كيشوفوا فبعضياتهم...

يامنة : قولي ليا مالك قبيلا فاش كنتي كتفكري ؟!

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎