بين الثراء والبادية

الحلقة 11

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 11
• قربات ليها وجمعت ليها شعرها وحطات ليها سبنية على راسها وعكفتها ليها فوق راسها...

غيمة [وهيا كتلمس فراسها] : عطيني شي مرآيا نشوف كيف جاتني لنكون كنبان خيبة
يامنة [وهيا كتقلب فالمريو] : لا راك زينة واي حاجة درتيها كتجيك كتحمق
غيمة [بإبتسامة خجل] : شكرا
يامنة [مدات ليها المرآيا] : هاكي ويله زيدي نمشي عند يَّما

• خرجات يامنة سابقاها وخلات غيمة لي شافت راسها فالمرآيا وحطاتها فبلاصتها وخرجت تبعتها وهيا كتشوف فاللباس تاعها وكتلمس فالسبنية لي مكتحسش براسها مرتاحة بيها...

• دخلوا للكشينة لي كانت باركة فيها خديجة ومدورة بيها البانيوات ، جوج فيهم الماء وواحد خاوي محطوطين فيه تلاتة تاع دجاجات...

خديجة : يامنة زيدي مدي ليا الملحة وداك الموس المادي باش نقي دجاج
يامنة : نوضي نتي خليني انا نغسلهم
خديجة : لا غا خليني نغسلهم مدي ليا غا اش قلت ليك

• مشات يامنة مدات ليها الموس والملحة وقفت كتشوف فيها هيا وغيمة لي جاها هدشي غريب وحتا ريحة دجاج معجبتهاش...

   ▪︎عند سعيد لي كان وصل هوا وبوشعيب وعزيز للأرض لي باركة كتحصد من طرف رجال لي خدامين تم...

سعيد : تبارك الله الخير كتير هاد العام
بوشعيب : وحمد الله شتاء هاد العام سبات
سعيد : شحال باش بديتوا الحصاد
بوشعيب : يله تلتيام باش بدينا [شاف فعزيز] سير عند لهاشمي كلموا وجي
عزيز : واخا

• مشا عزيز لحدا مكينة الحصاد لي كانت خدامة كتحصد من طرف شخص لي باركة فيها... شار ليه عزيز باش يوقف...

• بعد مدة قصيرة وقفت الماكينة تاع الحصاد ونزل منها شخص طويلة وملامحوا حنطية ، شعروا كان فالأسود وقصير بزاف يكاد يتشد باليد ، وجهوا مزيناه لحية كثيفة شوية فالأسود كتافوا كانوا بحكم عراض وزيدون طولة على طول ، كان لابسة سروال عريض وتيشورط فالكحل مع سبرديلة لي كانت كلها متربة بحال حويجوا...

• قرب حداه وهوا مبتاسم ليه فوجههوا بإبتسامة بشوشة... سلم عليه سلام رجولي وهوا كيهضر معاه...

لهاشمي : سلام عليكم
عزيز : وعليكم السلام [نعت ليه على فين واقف بوشعيب] يله معايا راه الوليد بغاك
لهاشمي : اه واخا تبعني نقول غا لرجال اش يديروا ونجي
عزيز : واخا انا غادي نسبقك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎