بين الثراء والبادية

الحلقة 139

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 139
• قطعات معاه وهزات عينيها لسماء وهيا ضامة راسها بيديها ، غمضات عينيها وستنشقات أكبر وزن تاع الهواء تقدر عليه ، رجعات خرجات الهواء لي ستنشقات كلوا كأنها كتنظف رئتين تاعها من بعد ضارت دخلات لداخل...

• مشات لعند لبنات لي لقاتهم نعسوا كلهم ، تقادات فالبلاصة تاعها وتغطات وهيا كتشوف فسقف وكتفكر فحياتها لي ولات مختالفة تماما ، لا الأكل لي كانت كتاكلوا نفسوا باقي كتاكلوا لا المسكن لي كانت فيه باقي نفسوا ولا حتا ناس لي ضايرين بيها ، هدشي لي ولات فيه كلوا مختالف تماما على حياتها لي قبل...

• كانت كتخرج فينما بغات ووقتما بغات ومعامن بغات عكس دابا نفس المكان باركة فيه ومكتمشي لحتا بلاصة ، نزلات دمعة من عينها وهيا كتفتاقد بزاف تاع الحويج من حياتها ، كتحس براسها ندمات بزاف كون بصح كانت قد المسؤولية وهزات الحمل معا الأب تاعها مستحيل كان غادي يطرى هدشي...

• فنص تفكيرها فهدشي تفكرات لهاشمي لي كون مجاتش لهنا كانت مستحيل تلاقى بشي إنسان بحالوا ، متفهم بزاف كتحس بيه حنين معاها وكتحس بلي كيدير بزاف تاع الحويج على قبلها فقط تكون بخاطرها ، بحال كيفاش مقربش ليها نهائيا حتا ستعدات هيا وكيفاش كان تعاملوا معاها فأول الليلة ليهم وكيفاش كلاّ أول حاجة طيبات رغم لبسولية لي كانت فيها سكت ومقدرش يجرحها ، كيفاش محاولش يبزز عليها الحجاب رغم أنه هيا عارفة بلي كاع رجال تاع العروبية كيبززوا على أي زوجة من زوجاتهم تكون دير الحجاب...

• بدات كتفكر فالحجاب وبواش زعما ديروا وتخليها ليه مفاجئة ؟! زعما غادة تعجبوا ؟! والى دارت الحجاب واش غادة تقدر تكمل بيه طول عمرها وعمرها تحيدوا ؟!...

• بقات كتفكر لمدة طويلة فكل وبزاف تاع الأحداث طراو وحدث يدها لحدث وفالأخير قررات أنها ديروا حيت بصح وكيف قالت ليها زينة زينك خاص راجلك الوحيد لي يشوفوا ودكشس لي قررات أنها تخبي زينها باش هاكا تحاول تفرحوا بشي حاجة دارتها...

• على أخر حاجة فكرات فيها غمضات عينيها مستسلمة لنعاس لي بدا بشوية بشوية كيتسلل للجسم تاعها...

   ▪︎ عند إبتسام لي كانت متكية فبلاصتها كتقلب يمين يسار كتحاول تقلب على نعاس لي مباغاش نهائيا يزورها ، تكات على ظهرها وهيا كتشوف فسقف ومعارفة مدير ، ناضت بركات فطرف نانوسية وهيا مقرر تخرج برى تبرك تحت ضوء القمر بيما جاها نعاس...

• ناضت وقفات وهيا كتمشي على طراف ناموسية وكتنقز على رجل وحدة ، هزات واحد بينوار عطاتوا ليها سميرة ولبساتوا وخرجات من البيت ، هزات راسها فسماء لي كانت عامرة نجوم بتاسمات برضى وسدات الباب تاع البيت ، تمشات على رجل وحدة وبركت فوق العتبة لي كانت قدام البيوتة...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎