🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 134
• دخلاتها خديجة للداخلة وبركوا هيا وياها فالبيت ، بقاو باركين حتا دخلوا عليهم البنات بتلاتة وهوما مبتاسمين ليها فوجهها ، مشاو سلموا عليها وبركوا حداهم...سعاد [وهيا كتطبب بيدها جنبها] : اجي ابنتي يامنة بركي حدايا
• هزات يامنة عينيها فخديجة وحتا عطاتها لإشارة بعينيها عاد قربات حدا سعاد وبركات وهيا راسمة إبتسامة خجل...
سعاد [مررات يديها على ظهر يامنة وهيا كضحك] : مزال مناوياش ديري لينا شي عراسية نفرحوا بيك [دارت كتشوف فخديجة] اوا اخديجة شتك باقا مسخيتيش بيها
خديجة [وهيا كضحك وتشوف فبنتها] : اوا على كين لي يسخى بطرف من الكبدة تاعوا
سعاد : ولكن راه خاسها تزوج ماشي تبقاي شاداها حداك حتا يفوتها الكار
خديجة : نهار يجيها رزقها مغاديش نحبسها عليه
سعاد [بتاسمات ليها فوجهها وضارت كتشوف فيامنة] : واشْ غادة نقوليكم [رجعات كتشوف فخديجة] ولدي كريم لبارح فاش مشيتوا هضر معايا وقاليا نسولكم واش يامنة هاضر فيها شي حد ولا لا ، باش لمكان حد داوي فيها ان شاء الله لكتاب علاش لا نوليو نساب• على أثر هاد الكلام يامنة توسعات إبتسماتها ولات كتحس بالفراشات كيلعبوا فالمعدة تاعها أما زينة لي كانت حداها غير لاحظت تعبيراتها وهيا تنغزها باش ثبت...
خديجة [شتات نظرها لبعيد وهيا كدور فعينيها] : وا اش غادة نقوليك أنا منقدر نقولك والو حتا يجي باها ونعلموا بشنو كين وميكون غا الخير ان شاء الله
سعاد [بإبتسامة بشوشة] : حتا هذا كلام مني يجي سي بوشعيب قوليها ليه والى قبلتوا بينا ان شاء الله ميكون غا الخير•"بعــد مــدة زمنيـــة"•
▪︎ عند سميرة لي كانت باركة كتحط فالغداء على جوج طباسل تقريبا حتا دخل عليها رضوان ، مشا برك فوق سداري وضار كيشوف فيها...
رضوان : واش فاقت
سميرة : اه فاقت مني خرجتي
رضوان : واشنو شرحات ليك شنو واقع ليها
سميرة [حطات ليه طبسيل فوق الطبلة] : صبر ندي ليها غداها ونجي نعاود ليك اش قالت
رضوان [جمع الوقفة] : اه واخا بيما نيت حتا انا غسلت يديا تكوني جيتي• هزات البلاطوا لي كان فيه طبسيل فيه الغداء معا الخبز وجوج تفاحات وكأس تاع الماء ، مشات للبيت تاع نورة لي كانت متكية فيه إبتسام ، دخلات لعندها وهيا مبتاسمة...
سميرة [حطات ليها لبلاطوا قدامها] : هاكي ابنتي هاهوا غداك كولي ليك وانا شوية ونجي ندي طبسيل ونكمل شي شغل ونجي نبرك حداك
إبتسام [بإبتسامة لي زينات ملامحها] : صافي واخا اخالتي✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...