بين الثراء والبادية

الحلقة 49

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 49
• دار لهاشمي يدوا فجيابوا وتم غادي وهيا غادة فجنبوا ، بقاو كيتمشاو وهوما ساكتين حتا بعدوا شوية وهوا ينطق مخلي سكات يتنهى بيناتهم...

لهاشمي : اسمك غيمة ياك
غيمة [وهيا غادة معاه فطريق وحانية راسها] : اه
لهاشمي [سكت لمدة من بعد وقف وضار شاف فيها] : واش نتي موافقة على هاد زواج
غيمة [هزت فيه عينيها بصدمة من سؤالوا لي جاها مفاجئ] : اه كيفاش
لهاشمي [شتت نظر تاعوا ورجع شاف فيها وهوا كيحك على عنقوا] : سؤالي كان هوا واش نتي موافقة على هاد زواج ولا لا يعمي واش حتا حد ما مبزز عليك زواج
غيمة [حركت راسها بلا وهيا باقا كتشوف فيه] : لا حتا حد ما بزز عليا شي حاجة
لهاشمي : وشنو سبب لي غادي يخليك تزوجي بيا
غيمة [بجرأة كبيرة منها] : شنو سبب لي خلاك نتا تبغي تزوج بيا
لهاشمي [ضار شاف فالبنات لي كانوا واقفين بعاد عليهم وضحك ، رجع ضار شاف فيها ونطق] : لبزاف تاع الأسباب منهم انه كبرت وخاصني نتزوج وندير داري
غيمة [ضارت شافت فين كان كيشوف] : حتا انا لنفس سبب
لهاشمي [قرب لحدا واحد صخرة وبرك] : اجي بركي وخلي هادوك
غيمة [مشات بركت فصخرة لي حداه] : نقولك صراحة
لهاشمي [ضار شاف فيها وهوا قارن حواجبوا] : اه قولي انا كنسمعك

• حكت على عنقها وهيا كتشوف فالبنات ، تنهدت وضارت كتشوف فيه وهيا مطولة فيه شوفة لدرجة خلاتوا يشتت نظر تاعوا من عليها...

لهاشمي [وهوا كيحاول ميحطش عينيه فعينيها] : هضري انا كنسمعك
غيمة [ضارت كتشوف قدامها] : بصارحة انا مباغاش نتزوج [ضارت كتشوف فيه] ماشي زعما مباغاش نتزوج بيك نتا [حركت راسها بلا] لا ماشي هاكا انا اصلا مكنتش باغا نتزوج كاع
لهاشمي : ولكن زواج راه هوا نص دين وخاص كل شخص جا زواج تال عندوا يتزوج بعدما يتأكد من شخص لي غادي يتزوج بيه راه انسان كيخاف الله
غيمة [تنهدت بعمق] : بصارحة خيفة نتزوج بشي حد وميكونش مزيان ويعاملني كيما بابا كيعاملني [ضارت كتشوف فيه] انا متأكدة بلي مستحيل نلقى شي شخص يعاملني بحالوا دكشي باش كنت مقررة نبقى غير حداه
لهاشمي [بتاسم ليها فوجهها] : هداك الأب تاعك والأب راه عمروا يجي فبلاصتوا شي حد وزوج تاعك كيكون مقام تاعوا تاني راسوا وهوا لي كتبني معاه الأسرة تاعك وعائلتك
غيمة [بقات سارحة فالإبتسامة تاعوا حتا كمل وبادلتوا نفس الإبتسامة] : معاك الحق
لهاشمي : كوني اكيدة بلي عمري غادي نأديك ولا نحط يدي عليك إلى بالخير
غيمة : شكرا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎