بين الثراء والبادية

الحلقة 185

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 185

                  •"بعــد مـــرور شهـــر"•

• فهاد المدة كلها لهاشمي وغيمة عمرهم رجعوا تلاقاو نهائيا ، غيمة كانت غا سادة عليها فالبيت تاعها وقليل فين كتاكل ولا تشرب حتا ولات شاحبة و وزنها نزل على كيف كان...

• كانت ناعسة كيف عادتها فوق ناموسية حتا سمعات شي حد دخل وبدا كيحل فالخوامي تاع شرجم ، خطات وجهها فالمانطة مخبية من أشعة شمس وهيا كتعير...

غيمة : كوثر سدي شرجم وخرجي باغل ننعس
يامنة [بصوت فيه حس من العصبية] : باركة عليك من نعاس ونوضي راك غملتي هنا

• بعدات من على عينيها المانطة بصدمة باغا تأكد من صوت لي سمعاتوا واش بصح هوا نفسوا لي فبالها ولا لا ، فير شافتها وتأكدت وناضت لعندها قافزة كتعنق فيها...

غيمة : توحشتك [بعدات عليها وميلات شفايفها بحزن] توحشتك بزاف
يامنة [وهيا شاداها من وجهها] : تانا توحشتك بزاف [وهيا كطلع وتنزل فيها] أش هاد الحالة درتي فراسك

• لوهلة بحالا تفكرات شي حاجة شي لي خلاها تبعد جزج خطوات وهيا مخنزرة فيها ، هزات صبعها فوجهها ونطقات بتهديد...

غيمة : حتا نتي كنتي عارفة ياك وكدبتي عليا
يامنة [حركات راسها بلا] : لا والله مكنت عارفة أنا أصلا غير دابا باش عرفت كاع هدشي لي وقع والله وبقا فيا عمي
غيمة [تلاحت عليها معناقها] : توحشتوا
يامنة [عناقتها وهيا كتمسح فدموعها لي كتحاول تخبيهم] : هدشي مكتب على كل واحد منا اختي [بعدات عليها وهيا كتشوف فيها] أختي شوفي راسك كيف ولا شوفي شعرك وحالتك كيف كرفصتيها واش دابا نتي كتشوفي بلي هوا راضي على هاد الحالة لي نتي فيها ؟! ، راه خاصك تدعي معاها بالرحمة وتحاولي تعايشي معا دنيا وترجعي لحياتك ، واش باقا صليتي ؟! أنا كيبان ليا بلي كعما صليتي من ريحتك لي باينة مدة باش ما دوشتيش ودابا نتي ترضاي على راسك هاكا وواش تبغيه يكون حزين عليك
غيمة [نزلات راسها للأرض] : أنا توحشتوا بزاف
يامنة : معندك مديري راه دابا هاكا بحالا باغا تحداي الله حيت بغاه وداه ونتي مرضيتيش بالقدر تاع الله
غيمة : لا ماشي هاكا
يامنة : أشمن ماشي لي هاكا راه هدشي لي كديروا غا هدشي لي كيعني موهيم هانتي نعلي شيطان وسيري دخلي دوشي راه ريحتك ولات خيبة بزاف وتوضاي وصلي وأنا غادي نهبط نوجد ليك متاكلي صافي
غيمة : صافي واخا

• خرجات يامنة أما غيمة فمشات وقفات قدام المرآيا كتشوف فراسها وكتشم فراسها لي بصح ولات ريحتوا عاطية منوا ، حطات يديها على شعرها لي كان مخبل تاع بصح ، من بعد تنهدات ومشات دخلات لدوش وهيا مقررة ترجع كيف كانت...

   ▪︎ لتحت فصالون في كانت باركة خديجة لي دخلات عليها يامنة وهيا كتحل فزيف تاعها لي خنقها ، مشات بركات تحت نظرات خديجة ليها...

خديجة : تي أش درتي
يامنة [خنزرات فيها ونطقات] : متهضرينيش
خديجة : اويلي توما مالكم بجوج بيكم قطعتوا لغّايا
يامنة [تقادات فالبركة وهيا كتشوف فيها] : واش شهر ، شهر باش ما*ت عاد علمتيني
خديجة : راه مساليت ما والو باش نقولها ليك واش محيلتي للهاشمي ولا لغيمة ولا لمن
يامنة : وهضرت معاك ما مرة ما جوج مالك ماقلتيها ليا تا كنت غادة نجي عندكم
خديجة : مبغيتش نخلعك وبغيتك تبقاي مرتاحة وصافي
يامنة : اودي راك بعد المرات كتولي غا تخربقي وصافي
خديجة [مشات بركات حداها] : ودابا أشنو واش هضرتي معاها
يامنة : راها شوية وتنزل وأنا غادة نمشي نوجد ليها متاكل
خديجة [حبساتها باش متنوضش] : غا بركي أنا غادة نوض نوجد ليها شي حاجة

• مشات خديجة للكوزينة باش توجد لغيمة شي حاجة متاكلها أما يامتة فبقات باركة فالصالون كتسنها تنزل من الفوق...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎