بين الثراء والبادية

الحلقة 138

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 138
   ▪︎ عند سميرة لي كانت مشات عند إبتسام وفيقتها باش تخرج من البيت وتمشي تبرك حداها باش يدور الدم فالجسم تاعها ، شداتها من يدها وخرجاتها غادة بيها للكوزينة ، فوسط طريقهم تلاقى رضوان معاهم لي كان خارج برى...

رضوان [مد ليها يدها] : شدي فيا نعاونك

• عطاتوا إبتسام يدها وشدات ليه فيدوا وهيا باقا شادة فجيهة لخرى فيد سميرة ، بقاو غادين بيها بشوية حتا وصلوها لبيت لجلوس وبركتها سميرة على لكرسي لي كانت حطات ليها...

إبتسام [وهيا كتشوف فرضوان] : شكرا وسمحوا ليا عدبتكم معايا
سميرة [وهيا كتغطي فيها بمانطة] : راه هضرنا فهدشي ابنتي حسبي دار داركم
رضوان [وهوا خاشي يديه فجلابة لي لابس] : معاها الحق حسبي دار داركم
إبتسام [بإبتسامة مشرقة على ملامحها] : شكرا ليكم خيركم عمرني ننساه

• بعد ساعات لي طاح فيهم ظلام والقمر زين سماء ، كان كلشي تعشا وحط راسوا على المخدة باش ينعس أما فدار عند خديجة وبالضبط فالبيت فين كتنعس يامنة ، كانوا البنات كلهم مفرشين فالأرض وناعسين مستفين حدا بعضياتهم...

يامنة [ضارت كتشوف فنورة لي ناعسة جنبها] : تي بغيت نعرف مالك خليتي بيتك قدوا قد لخلا وجيتي مزاحمة معانا
نورة : سرّي أنا لي باغا نجي نتوانس معاكم زعما
زينة [هزات راسها كطل عليها] : كون كان زوجك المصون غادة تشوفي فينا
نورة : اوا كون كان دابا راه مكين
زينة : غا انا وياك ايامنة لي بقينا بايرات
يامنة : ويلي فكرتيني نسيت كعما سولت يِّما أش قاليها بَّا
نورة : تال غدا وسوليها دابا تكون نعست

• كانت غيمة متكية وكتسمع ليهم حتا بدات كتسمع تليفونها لي محطوط حداها كيصوني ، هزاتوا وهيا كتشوف فنمرة لي كتصوني عليها...

زينة [هزات عينيها تليفون] : هايهاي أخي المصون كيصوني ليك هضري ، هضري معاه نسمعوا شنو غادي يقول
غيمة [ناضت وقفت وهيا مصغرة عينيها فيها] : طبعا مغاداش نهضر معاه حداكم
يامنة : وهانتي ليك على بنت المدينة كي ولات تهضر

• هزات تليفون تاعها وخرجات من البيت ، مشات برى قدام الباب وجاوبات على الإتصال ، بقات ساكتة حتا سمعات صوتوا...

لهاشمي : سلام
غيمة [وهيا مبتاسمة نصف ابتسامة] : سلام
لهاشمي : كيف دايرة لباس عليك تعشيتي ولا لا
غيمة : اه بخير وراني تعشيتي ولقيتيني غادة نعس ولكن فاش صونيتي خرجت نهضر معاك
لهاشمي : فين خارج واش نتي برى
غيمة [وهيا كدور عينيها فالمكان لي كان كلوا ظلام ، نطقات وهيا كتمتم] : شنو ااه لا أنا لداخل
لهاشمي : كتكدبي عليا ياك نتي برى
غيمة : صراحة اه أنا خرجت برى كنهضر معاك
لهاشمي [تنهد ونطق] : شوفي كنكره الكدوب معنديش معاه فمتبقايش تكدبي ولا تخبي عليا صافي
غيمة [هزات راسها بأه كأنه كيشوف فيها] : أه صافي
لهاشمي : يله سيري دخلي تنعسي ومتبقايش تخرجي راسك
غيمة : تصبح على خير
لهاشمي : نوم لهنا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎