🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 103
• خرجات خديجة من دار على صوت يامنة وهيا كتبكي ، قربات لعندها بزربة وهيا خيفة على بنتها والحالة لي وصلت ليها...خديجة [وهيا شادة ليها فوجهها] : يامنة بنتي مالك ، تهدني ابنتي [ضارت كتشوف فنورة وهيا باقا شادة ليها فوجهها] مالها انورة
نورة : شافت كريم وسعاد جاو ولات هاكا
خديجة [عنقتها لعندها] : بنتي تهدني
يامنة [وهيا حاطة راسها على صدر خديجة] : انا خيبة ياك ايِّما دكشي علاش مشافش فيا ياك
خديجة [وهيا ضاماها لعندها] : لا ابنتي متقوليش هاكا نتي راك زينة تاع البنات
يامنة [بعدت عليها وهيا كتشوف ليها فعينيها] : وعلاش مداهاش فيا ؟!
خديجة [شدت ليها فوجهها] : غير كوني هانية غادي ندير لمستحيل باش يكون ليك ، غير تيقي فيا
يامنة [ميلت راسها لجنب] : انا مبقيت باغا والو بغيت غير ننساه حيت اصلا انا عارفة بلي عمروا غادي يديها فيا
خديجة [ضربتها ضربة خفيفة على وجهها] : منسمعكش تقولي هاكا مرة خرى ودابا نوضي باركة من الحزن وغدا غادة نمشي عند سعاد نشوف شنو تحت راسهم
يامنة [عنقتها] : عفاك ايِّما راني منقدرش نتزوج بشي حد غيروا
خديجة [وهيا كتدوز ليها على ظهرها] : كوني هانية غادي تديه غا هوا ودابا نوضي دخلي باركة من البكاء راه طيبتي عينيك• عكزات عليها هيا ونورة وقفات ، دخلات للبيت تاعها نيشان بلاما تكلم ولا ضور تشوفيهم ، كانت نورة بغات دخل عندها ولكن شداتها خديجة من ضراعها...
خديجة : غير خليها على راحتها
نورة [نزلت راسها بالحزن عليها] : مبغيتهاش تبقى فهاد الحالة
خديجة : كلشي غادي يتقاد بإذن الله
نورة : المشكيل كتقول على راسها بلي راها خيبة وبلي مداهاش فيها وهيا اصلا مكتبانش ليه يعني مكتمشيش عندهم مكيشوفهاش وبزاف تاع الحويج
خديجة : كتحاول تقنع راسها بلي راها المشكيل منها دكشي باش
نورة [طولات شوفة فيها وتكلم بجدية] : غادة تعاونيها ياك ماشي كتقولي ليها هاكاك غير باش تهدن
خديجة : طبعا لا غادة نعاونها حيت راها بنتي وسعادتها من سعادة تاعي• كتافات نورة تبتاسم ليها على هضرتها لي خلاتها تطمأن على صديقة عمرها لي كتشوف خالتها بدات كتسوء مرة على مرة...
▪︎ عند غيمة لي كانت باقا غاطسة فنومها حتا بدات كتسمع صوت تليفونها كيصوني ، ناضت فاقزة وهيا كتقلب عليه بعينيها ، لمحات ضوء تاعوا فوق البلاكار وناضت هزاتوا ، جاوبات على الإتصال وهيا كتحك فعينيها...
غيمة : ألو
سعيد : مالك مكتجاوبيش على تليفونك
غيمة [بعدات تليفون على وذنها كتشوف شكون المتصل] : راه غير كنت ناعسة دكشي باش ابابي
سعيد : كيف دايرة نتي لباس عليك ؟!
غيمة : بخير ونتي كيف داير لباس عليك ؟! كيف غادي معا الخدمة اش درتي قدرتي ترجع فلوسك
سعيد : هانا غير معدي وصافي نتي بعدا فرحانة ، لهاشمي كيعاملك مزيان ، شوفي ابنتي الى مكنتيش فرحانة قوليها ليا والى ضار ليك شي حاجة قوليها ليا نجي تال تم عندك ونديك معايا
غيمة [وهيا كتحرك راسها بلا] : لا ابابا انا مزيانة وعايشة بخير ولهاشمي مكيدير ليا والو غا كون هاني
سعيد [تنهد بإرتياح] : حمد الله وهدشي لي بغيت ليك [سكت لثواني ونطق بتردد] واش لهاشمي كيعاملك مزيان ياك مكتكدبيش عليا
غيمة : اه كيعاملني مزيان
سعيد : الله يسر ليكم ابنتي فزواجكم وانا فرحان حيت نتي فرحانة
غيمة : واش قريب تجي عندنا
سعيد : صارحة معرفتش ولكن غادة نحاول فأقرب وقت نجي
غيمة : الله يجيبك على خير
سعيد [بنبرة صدمة معا فرحة] : امين وشكرا حيت دعيتي معايا
غيمة [حكات على راسها] : موهيم ابابا خاصني نمشي دابا
سعيد : يله ابنتي بسلامة وسلمي على راجلك
غيمة : واخا✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...