بين الثراء والبادية

الحلقة 117

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 117
• سمعاتوا ضرب فالباب بدون ميتكلم ولا يجاوبها على كلامها ، بقات متكي فوق ناموسية وهيا كضحك على المنظر تاعوا...

   ▪︎ عند خديجة ولبنات لي كانت سعاد داخلة وهيا هازة سينية تاع آتاي لي عمرات ومبتاسنة ليهم فوجههم ، حطات سينية وشافت فخديجة...

سعاد : كبي اخديجة آتاي انا نمشي نجيب شي لاخر ونرجع
خديجة [نغزت يامنة] : نوضي ابنتي يامنة عاوني خالتك متخليهاش تسخر علينا
سعاد : لواه ابنتي غا خليك باركة
خديجة [دفعاتها من كتافها باش تنوض] : تي لا غا خليها تمشي تعاونك

• ناضت يامنة وهيا مبتاسمة لسعاد فوجهها ، مشات سعاد سبقاتها للكوزينة واما هيت فتبعاتها من لور ، كانت الكوزينة كبيرة ومبنية ببناء عصري وفيها بزاف تاع الآلآت الإكترونية لي كتكون فالكوزينة...

سعاد [سعاد بإبتسامة] : اجي ابنتي فرغي هاد المسمن فطبسيل
يامنة [مشا قربت حداها] : واخا اخالتي

• بدات كتقاد دكشي لي قالت ليها وحتا سعاد جبدات لوز والكركاع وزبيب وبدات كتحطهم فطباسل ، اي حاجة كتوجدها كتحطها فوق واحد الطبلة كبير ، بقاو كيوجدوا بجوج بيهم من بعد بداو كيهزوا دكشي لي وجدوا ويديو لعند لخرين لصالون...

• حطوا ليهم كلشي لي وجدوا فوق طبلة وبركوا حداهم ، كبات خديجة ليهم آتاي وبركوا كياكلوا وكيهضروا....

خديجة : اوا مقلتيش لينا واش غادة تبقاي هنا بزاف ولا لا
سعاد : واش غادي نقول لك اختي انا مزال باغا نبقى هنا حتا نزوج ولدي وديك ساعة نهبط انا وياها لداري فالمدينة حتا يوجد ليها وراقها وتمشي معاه ، شفت ليه شلا بنات من لهيه حدايا ولكن بصارحة تا وحدة معمرت عيني وبانوا ليا داخلين على طمع دكشي باش بغيت نجي ونختار ليه من هنا حسن
خديجة : ومزيان نيت مني جيتي تفوجي ليك بعدا شوية وعاد تقلبي ليه على شي بنت لزواج
سعاد : دكشي لي قلت حتا انا اجي نتي مكتعرفي تا بنت مادة يدها للحنة وضريفة وعائلتها ضريفين لزواج
خديجة : تقريبا كاع بنات دوار تزوجوا مبقاوش بزاف وحتا لي باقين راهم صغار على ولدك
سعاد [حركت ليها راسها بلا] : لا لا انا بغيت شي بنت تكون فايتة 19 عام باش يله تجي معاه كي شتي ولدي راه كبير شوية يعني وحدة عندها 19 يله تجي معاه هوا عندوا 28
خديجة [وهيا كتحاول تقاد لهضرى لجيهتهم] : ايه تكون عندها 19 ولا كتر تجي معاه حسن باش يكونوا مواتين بعضياتهم
سعاد : وراه هوا براسوا ميبغيش لبنت تكون صغيرة عليه ببزاف راه كنت شفت ليه واحد لبنت عندها 18 عام من لهيه ولكن مبغاش معا ديك البنت كتبان قليولة شوية مبغاهاش قالك كتبان صغيرة عليه ببزاف
خديجة : وتاني راه معاه الحق تي شوفي ليه شي بنت عندها 20 عام حتال ديك 25 عام راها مزيانة
سعاد : وتانبرك ونستاراح وديك ساعة نمشي نشوف ليه راني يله جيت غا لبارح

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎