بين الثراء والبادية

الحلقة 178

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 178
• وسط هضرتهم معا بعضياتهم دخل لهاشمي وهوا هاز شي وراق فيديه ، طفا الباڤ لي كان محطوط حدا لبلاكار صغير لي محطوط حدا الباب ومشا برك فوق ناموسية وهوا كيشوف فيهم وهوما باركين فالأرض...

لهاشمي [مد لزينة لوراق لي فيديه] : هاكي ها وراق دار راهم ولاو فسمية تاعك دابا
زينة [شدت من عندوا وقرنات حواجبها] : أشمن دار مفهمتش
لهاشمي : هادي لي حنا فيها دابا راها ولات بسمية تاعك
زينة [مدات ليه الوراق ووقفات] : ولكن أنا مبغيتهاش
لهاشمي : راها من حقك كيفاش مبغيتيهاش
زينة : دار تاعنا أنا وياك ماشي تاعي راسي

• جرها من يديها تا بركات حداه ، عنقها من كتافها وحط ليها لوراق فيديها ، بتاسم ليها فوجهها إبتسامة خفيفة ونطق وهوا كيشوف ليها فعينيها لي باغا تفسيرات...

لهاشمي : هذا الورث تاعك وراه غير شوية من الورث تاع الأب تاعنا أنا راه كليت حقك منوا فخليني نطفي تأنيب تاع ضميري بهاد دار
زينة [حطات يديها على فموا] : شوو أخويا علاش غادي ينأنبك ضميرك أنا مشادة فخاطري من جيهتك والو وربي لي شاهد وبلا هدشي كلوا راه الفلوس ما مشاوش فالخاوي الحمد الله راك درتي بيهم منفعة
لهاشمي : ولكن كيبقى نص تاع حقك مشا بسبابي
زينة [بإبتسامة] : لا متقولش هاكا أصلا أنا كنت راضية على شنو كانت يِّما الله يرحمها كدير
لهاشمي : الله يرحمها ولكن على أي حال دار غادي تاخديها
زينة [تلاحت عليه معنقاه] : شكرا وراه دار غادي تبقى تاعك حتا نتا
غيمة : باركة من تعناق ونوض نتا دي داك صاك لي جمعت ليك لدار
لهاشمي [بعد على زينة وشاف فيها] : نتي لي نوضي لبسي راه حنا غادين نمشيو دابا راه موسى غادي يجيب لبيكوب لي فيها حويجوا ويوصلنا عاد يرجع
غيمة [جمعات الوقفة] : واخا أنا غادة نمشي نلبس حويج

• ناضت خرجات للبيت تاعها لي كانت خلات فيه حويج قلال ليها ، لبسات جلابة معا زيف تاعها وهزات واحد صاك متوسط الحجم ومشات عند زينة لي كانت بقات باركة فالبيت راسها كتكمل شغلها...

غيمة [حطات ليها صاك فوق ناموسية] : هاكي هاد صاك برعي ليا منوا موسى
زينة [وقفات كتجري تشوف فشنو صاك] : ناري متقوليهاش غادي تعطيني هدشي
غيمة [حبساتها من تقلاب وشافت فيها] : سمعيني هوا اللول هانتي مني نخرجوا حنا دخلي نتي دوشي وديري من هدشي لحمك ولبسي شي حاجة زوينة
زينة [تلاحت عليهل معنقاها] : شتي نتي راه مكينش بحالك
غيمة [بادلاتها العناق] : كون تشوفي نتي موهيم دابا جمعي هدشي دغيا تال غدا وكملي شقا
زينة [بعدات عليها وهيا كتشوف فالحويج لي فالأرض] : صافي واخا وشكرا

• وسط كلامهم بدات كتسمع صوت لهاشمي لي كان كيغوت بإسمها من برى ، خرجات هيا وياها بعدما هزات غيمة واحد صاك كبير كانت حاطاه فالمراح...

• هزاتوا وخرجات هيا وزينة لبرى فين كان واقف لهاشمي هوا وموسى لي كان متكي على البيكوب ، غير شافهم لهاشمي وقرب خدا من عندها صاك...

لهاشمي : يله ركبي باش نمشيو

• ضارت سلمات على زينة ومن بعد ركبات لور كيف قاليها أما هوا فحط صاك لور من بعد رجع وقف حدا زينة باش يسلم عليها....

لهاشمي [وهوا معنقها من كتافها] : تهلاي فراسك
زينة [بإبتسامة] : حتا نتا تهلا فراسك
لهاشمي [بتاسم ليها فوجهها وبعد عليها شوية] : يله سيري دخلي تا يرجع موسى

• هزات ليه راسها بأه بإبتسامة من بعد دخلات وخلاتهم واقفين ، مكملش ثواني لي كثيرة ومشا برك هوا وموسى القدام وتحركوا غادين لدار...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎