بين الثراء والبادية

الحلقة 17

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 17
• برى عند سعيد ولهاشمي لي كانوا واقفين كيتسناو عزيز وبوشعيب يخرجوا ، بقاو واقفين وساكتين حتا هضر سعيد...

سعيد [بتوتر] : بوشعيب قبيلا لبنت لي كان قاصد ليك لزواج راها كانت بنتي ، بنتي علامن هضر ليك
لهاشمي : كيفاش مفهمش
سعيد : لبنت لي قاليك لقاتها ليك خديجة لزواج
لهاشمي : اه مالها
سعيد : راه كان هاضر ليك على بنتي
لهاشمي [حك مؤخرة رأس تاعوا] : بصارحة اعمي انا مزال مباغيش نتزوج دابا باقي ليا شلا حويج نديرهم قبل زواج
سعيد : بحال شنو
لهاشمي : موهيم متقول لعمي والو حيت انا مباغيش نشغل بالوا بشي حاجة
سعيد : اه غير قوليا
لهاشمي : حاليا باغي نزوج ختي وكنحاول نجمع مصاريف فلوسها باش ندير ليها عرس لي يليق بيها ومبغيت نقول لعمي والو باش ميكلفوش راسهم ويبغيو يساعدوني
سعيد : الى كان هذا هوا سبب لوحيد انا معنديش مشكيل ممكن نساعدك اولدي بدون ميعرف حد وانا مغادي نكلف راسي ما والو الحمد الله عندي لخير لي يكيفيني يعني ممكن انه نتكلف ليك بالمصاريف تاع عرس ختك كلوا

• صغر فيه عينيه كيحاول يفهم هضرتوا ليه من عينيه سكت لمدة وهوا كيفكر ورجع شاف فيه وهضر بتساؤل...

لهاشمي : اه والمقابل لهدشي شنو هوا ؟!
سعيد : بصارحة هدشي ميمكنش نسميوه مقابل حيت زواج كيكون برضى طرفين ماشي على ود مصلحة او شي حاجة خرى [هز عينيها فيه] يعني ممكن تقول غادة نساعد شخص لي يكون من هنا للقدام زوج للإبنة تاعي
لهاشمي [صغر عينيه فيه] : وزعما من رجال دنيا كلهم بنت ليك غا انا
سعيد : عنداك يغرك شيطان وتقول هذا باغي يلوح بنتوا ، بنتي عزيزة عليا وختاريتك ليها حيت ختي وراجلها شكروك ليا وقالوا بلي غادي يعاملها بما يرضي الله
لهاشمي : لي نقدر نقولك هوا يكون خير نزوج ختي ونقادها فدارها ونتطمن عليها وديك ساعة يكون خير
سعيد : مقلتي عيب موهيم مصاريف لي غادي تحتاجهم كلهم للعرس انا كين هنا
لهاشمي : الله يكتر خير

• سكت كل واحد منهم وهوا كيفكر فهدشي لي طرى ، سعيد حس كأنه كيقلل من قيمت بنتوا بهاد طريقة لي دار اما الهاشمي فكان هوما الوحيد هوا واش قادر يوجد المصاريف كاملة لزواج ختوا قبل الوقت ولا لا...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎