🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 22
• كلاو مجموعين وهوما كيتحتوا ويهضروا مجموعين حتا سمعوا صوت تاع شي حد داخل من لباب تاع برى...سميرة : نورة نوضي شوفي خوك راه جا
نورة : واخا ايِّما
خديجة [ناضت جمعت الوقفة] : يله البنات نوضوا نمشيو راه غادين يكون بوشعيب جا وانا مزال مدرت والو
سميرة : بركوا حتا تكملوا غا كاسكم
خديجة : لا خاصني نمشي ندير لعشا ليهم يله يطيب موهيم حتال غدا ونجيو باش نديروا معاكم لحنة
سميرة : صافي جيو مرحبا بيكم• ناضت خديجة هيا ولبنات وسلموا على سميرة لي تمات غادة خارجة معاهم حتا تلاقاو معا ولد سميرة لي كان باين عليه بلي يله جا من الخدمة لي فالأرض...
خديجة : اهلا ولدي رضوان
رضوان [مشا يسلم عليها وهوا مبتاسم] : كيف دايرة اخالتي لباس عليك
خديجة : حمد الله بخير ونتا لباس عليك
رضوان : حمد الله هحنا غادين معا الوقت [ضار كيشوف فيامنة] كيف دايرة ايامنة لباس عليك
يامنة : حمد الله بخير اخويا
رضوان [هز عينوا فغيمة] : سلام
غيمة [بإبتسامة] : وعليكم السلام
خديجة : يله اسميرة خاصنا نمشي تال غدا كيف قلت ليك ونجيو انا والبنات
سميرة : صافي مرحبا بيكم• خرجت خديجة هيا ولبنات وتحركوا غادين لدار وهوما كيهضروا ويتحتوا معا بعضياتهم حتا وصلوا لدار وتلاقاو معا رجال عند لباب...
بوشعيب [وهوا عاقد حواجبوا] : فين كنتوا
خديجة [وهيا غادة داخلة] : كنت عند سميرة علمتها باش ايمتا يدار الفرح
بوشعيب : اشمن فرح• دخلوا كاملين للبيت وبركوا فيه ، كان كل واحد وتفكيروا فيه ماشي ليه اما عزيز فكان تفكيروا كلوا معا خديجة باغي يعرف ايمتا حددوا الفرح...
خديجة : وا قلت ليها الليلة تاع السوق نديروا الفرح وصباح تاعوا يكون الفطور وغدا ان شاء الله غادين نمشيو عندها على قبل الحنة للعروسة
بوشعيب : وما تشاورتي ما والو
خديجة : وصافي تانتا راه غا هويا لي كنا مأجلينوا على قبلوا هاهوا جا صافي خلينا نجمعوا شملهم
بوشعيب : وصافي نتوما تعرفوا ودابا نوضي عطينا مناكلوا راه متنا جوع
خديجة : هانا نايضة وعلم معاك لهاشمي قولي يصيفط لينا زينة باش تمشي معا لبنات غدا
بوشعيب : صافي واخا• ناضت خديجة هيا ويامنة دخلوا للكشينة اما غيمة فشافت فباها لي كان بارك حدا بوشعيب وتكلمت...
غيمة : بابي عطيني سوارت تاع طوموبيل نجيب الڤاليز تاعي
سعيد [جبد سوارت تاع طموبيل ومدهم ليها] : هاكي ابنتي [شاف فعزيز] نوض اولدي سير معاها باش تهز معاها دكشي
عزيز : واخا اعمي✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...