بين الثراء والبادية

الحلقة 25

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 25
   ▪︎ عند رجال لي كانوا ناضوا غسلوا يديهم وصلاو وبركوا مجمعين حتا نطق عزيز لي كان ساكت ومهضرش مني برك...

عزيز : با قبيلا راه جا عندي رضوان ياك
بوشعيب : اه فاش مشيتي ومالوا اش بغاك
عزيز : قال ليا بلي شاف غيمة معا مِّي مني مشات عند سميرة وعجباتوا وقالك مكرهش يعني تهضر ليه معا عائلتها لوافقوا عليه
بوشعيب : واش غادي نقولك انا ها باها حداك سولوا نتا نيت
عزيز [ضار شاف فسعيد] : اش بان ليك اعمي
سعيد : اش بان ليكم نتوما بعدا فيه انا راه مكنعرفوش
بوشعيب : ورضوان الله يعمر ليه دار وراه ختوا هيا لي غادي يتزوج بيها عزيز ، وراه انسان معقول وغا مني حا قصد دار نيشان راه بين بلي ولد ناس
عزيز : دابا اشنو كين اعمي اشنو نقوليه ؟!
سعيد : والله معرفت اولدي
بوشعيب : نصيحة تاعي انا متقوليه والو حتا نشوفوا الهاشمي واش باغي يتزوج والى مبغاش ديك ساعة نشوفوا رضوان حيت حنا دابا هضرنا معا الهاشمي مجاتش الى جا قالينا فين البنت نقولوا ليه عطيناها
سعيد : ايه معاك الحق فهادي
عزيز : اوا صافي الى سولني ولا شي حاجة تقوليه راه مزال بَّا مرد عليا بوالو
بوشعيب : صافي قوليه راه قلت ليه شنو كين حتا يسول باها ويرد عليا الخبار ونقوليك
عزيز : صافي واخا

• بقاو مجمعين حتا جات خديجة ولبنات لي كانوا كملوا دكشي لي كيديروا فيه وبركوا حداهم...

خديجة : هانتا ابوشعيب كنأكد عليك غدا قول للهاشمي يصيفط لينا زينة
بوشعيب : صافي كوني هانية [هز عينوا فسعيد] فيك نعاس ياك
سعيد : شوية وكان
بوشعيب : نوضي اخديجة فرشي راهم عياو
خديجة : واخا

• ناضت هيا ويامنة فرشوا لسعيد فاللبيت معا عزيز اما البيت لاخر فرشوا فيه لغيمة حدا فراش يامنة...

خديجة : يله راني فرشت نوضوا

• مشا كل واحد شد بلاصتوا لي تفرشات ليه ، اما غيمة فمشات معا خديجة ويامنة باش يتوضاو ويصليو صلى لي بقات ليهم...

• بعدما كملوا دخلت خديجة تنعس وغيمة ويامنة مشاو لبلاصتهم حتا هوما باش ينعسوا ، بعد مدة طويلة تاع الهضرة وضحك بيناتهم نعسوا...

      •°•°• أصبحنا وأصبح الملك لله •°•°•

• فاقت خديجة ويامنة هوما اللولين ووجدوا الفطور لرجال من بعد فطروا ومشاو يكملوا خدمتهم وخلاو خديجة ويامنة كيجمعوا فدار ، اما غيمة فبقات ناعسة لمدة طويلة ونفاقت حتا ضرباتها الفيقة وفاش مبانتش ليها يامنة حداها عاد ناضت...

• مشات هزات ساك لي فيه شي برودويات تاعها وتمات غادة خارجة من لبيت ، تلقات معا خديجة ويامنة لي كانوا باركين كيتحتوا بجوج...

غيمة : صباح الخير
خديجة : صباح الخير ابنتي
غيمة : علاش مفيقتونيش
خديجة : ولاش غادين نفيقوك مالك اش تابعك
غيمة : بغيت نغسل وجهي
خديجة : نوضي ايامنة عطيها باش تغسل وجهها وعطيها حتا باش توضى وتصلي
يامنة : واخا ايِّما

• مشات للكشينة وجابت ليها جوج صطيلات وحدة فيها الماء دافي ولخرى فيها الماء عادي ، عطاتهم ليها ومشات بركات حدا خديجة ، اما غيمة فمشات توضات من بعد خرجت لبرى وبدات كتغسل فوجهها بالبرودويات تاعها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎