🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 113
• خرج لهاشمي من الكوزينة وخلا زينة لي ضارت كتشوف فغيمة وهيا مخنزرة فيها وحاطة يدها على نصها...زينة : تي باغا تشري لينا صداع
غيمة : على مالي اش درت
زينة : خويا معندوش معا هدشي تاع شطيح فالأفراح اصلا
غيمة : وراه انا اصلا كنتعلم باش نشطح معا لبنات فالعرس تاعك
زينة : زيدي خليني نحط ليه يتغدا• مشات حطات الغداء وخرجات هيا وغيمة لي هزات الخبز وحطوه فالمراح وبركوا كيتغدوا مجموعين حتا نطق لهاشمي...
لهاشمي : موهيم راه هضرت معا شريفة والأم تاعها وشرحت ليهم شنو كين صافي راهم مغادينش تبقاو تشوفوهم هنا مرة خرى
زينة : حمد الله مني غادين يهنيونا من كمامرهم
لهاشمي : وحاجة خرى راه كملنا الخدمة هنا دكشي باش غادي نرتاح ليوم لي باقي وغدا فالليل غادين نشدوا طريق
زينة : صافي يعني غادين نمشيو عند يِّما خديجة
لهاشمي : باغين تفكوا مني
غيمة : انا مباغاش حيت اصلا مبغيتش نمشي
لهاشمي [حط دمغة من يدوا وشاف فيها] : علاش مالك
غيمة : مبغيتش نمشي عندهم باش منرجعش ندير ليهم شي مشكيل خر
لهاشمي [دوز يدوا على شعرها] : متخافي ما والو مغادي يطرى حتا حاجة واصلا عزيز راه غادي يمشي معانا وراه تقريبا غير شهر مكاملش وغادين نكملوا كلشي
غيمة [بتاسمت ليه فوجهوا] : صافي واخا• كملوا غداهم وناض لهاشمي تكا فالبيت عندوا كيف ديما اما غيمة وزينة فبقاو باركين مجمعين معا بعضياتهم فالمراح...
▪︎ عند خديجة لي كانت حطات الغداء وتغداو كاملين مجموعين وسط ضحك ونشاط من بعد ناضت بوشعيب وعزيز دخلوا لبيوتهم باش ينعسوا اما خديجة والبنات بركوا كيخططوا...
خديجة : كيبان ليا نمشيو عند زينة نجيبوها وهيا لي تمشي معانا زعما تقوليه راه جينا نعرضوك عليك للفؤح تاعها فهمتوا
نورة : والى سولت على الفرح ايمتا
خديجة : نقولوا ليها مزال معرفنا ايمتا غير جينا نشوفوا واش مزال غادة تبقاي باش تحضري معانا ليه ولا لا
يامنة : فكرة مزيانة ومغادة تدي ما تجيب
خديجة : يله نوضوا لبسوا انا نعلم بوشعيب ونمشيو
نورة : حتا يامنة غادة تمشي معانا
خديجة : ايه• ناضت خديجة دخلات لعند بوشعيب انا نورة فمشات لبيتها بشوية هزات لي خاصها وخرجات عند يامنة لي كانت دخلات تقلب على شنو تلبس...
نورة : هاكي لبسي هاد جلابة تاعي راها زوينة
يامنة [شداتها كتشوف فيها] : ولكن هادي مزال ملبستيها
نورة : وعادي اش فيها غا لبسيها [مدات ليها واحد ساك صغير] وهاكي كحلي عينيك وديري من المطلية لفمك وحناكك لاش متبانيش صفرة وديري ليك من ريحة
يامنة : واخا وشكرا✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...