بين الثراء والبادية

الحلقة 18

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 18
• بعد مدة قصيرة من تفكيرهم خرج عندهم بوشعيب لي كان من وراه عزيز وزينة لي حاضرة راسها وخارجة...

لهاشمي : يله ازينة نوصلك لدار دغيا باش نمشي للخدمة
بوشعيب : حنا اولدي غادين نسبقوك حتا تجي
لهاشمي : صافي واخا اعمي

• مشا لهاشمي معا ختوا زينة باش يوصلها لدار وخلا لخرين لي تحركوا غادي للأرض وهوما كيهضروا معا بعضياتهم...

سعيد : مني كنتوا لداخل جبدت معا لهاشمي دكشي تاع زواج وقلت ليه بلي كان قصدك انه خديجة لقات ليه بنتي لزواج
بوشعيب : ايه وشنو قاليك
سعيد : قالك مني يزوج ختوا ويتطمن عليها فالدار تاعها ديك ساعة يكون خير
بوشعيب : وختوا زواجها مزال بعيد اصلا موسى مزال مبنى دار
سعيد : اذا راه مباغيش يتزوج ولا راه كيعرف شي حد صافي خليوه على خاطروا
بوشعيب : لا لا مكيعرف حتا وحدة واصلا خاصني نهضر معاه وخاصوا يتزوج راه مبقاش صغير
سعيد : ونتا تعرف موهيم غا شوف معاه باش لمكانش باغي نشوف واحد خر ليها

   ▪︎ عند لهاشمي لي كان غادي معا ختوا غطريق وهوا خاشي يدوا غجيبوا ، كانوا غادين غصمت تام حتا هضرت زينة وهيا مقاطعة صمتهم...

زينة : كون غا خليتيني معا لبنات كتر
لهاشمي : وشكون غادي يجيبك من بعد مني تبقاي
زينة : مني تجي جيبني
لهاشمي : ماشي مشكيل حتا مرة خرى تاني ونجيبك
زينة : صافي واخا
لهاشمي : نسيت مقلت ليك بلي موسى هضر معايا وقاليا راه رجع تاني كيبني فالدار وراه قسمها من لداخل وان شاء الله مبقى ليكم والو وتزوجوا
زينة [هزت عينيها فيه] : ونتا اخويا مناويش تزوج زعما راك كبر مني وانا غادة نتزوج قبل منك
لهاشمي [عنقها من كتافها وهوا مبتاسم ليها] : نهار نطمن عليك فدارك وديك ساعة نشوف راسي
زينة : وغير قلب على شي بنت بعدا ونخطبوها ولعرس حتا توجد فلوسوا
لهاشمي [شاف قداموا وهوا عاقد حواجبوا] : قال ليا عمي بوشعيب بلي مِّي خديجة يمكن لقات ليا شي بنت فمبغيتش نخسر ليها خاطرها ونتي عارفة معزتها عندي
زينة : اوا مزيان واصلا يِّما خديجة ختياراتها على مزيناتهم
لهاشمي : واحنا غادين نتبعوها فرأيها ونشوفوا شنو كين
زينة : والله يسر ليك اخويا وانا فرحانة والله ومكرهتش ايمتا تزوج
لهاشمي : يكون خير

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎