🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 62
• مشات خديجة بركت وبركات حداها يامنة وهيا معارفة متقول ليهم ، تنهدت وضارت شافت فنورة...
خديجة : شغادي نقولك راجلك مدار فيها ميصلاح شبع معيور فغيمة وقاليها بسبابها يامنة طرى ليها هاكا وسعيد مقدرش يسمع بنتوا كتهان قداموا وهزها ومشا
يامنة : وفين مشاو دابا
خديجة : غير لدار تاعوا لي كان بناها هنا
نورة : فين جات دار واش بعيدة ولا لا ؟!
خديجة : لا راها غا قريبة من هنا
نورة : عزيز كيتصرع والله
يامنة : دابا غيمة غادي تلقايها مسكينة كتبكي ، واش قلتوا ليها بلي راه انا ماشي على قبل جيت رضوان ختارني كنت كنبكي
خديجة : لا مقلت ليها والو راه انا اصلا مكنتش عارفة
يامنة : مشاكيل والله
▪︎ عند سعيد وغيمة لي كانوا بعد مدة قصيرة تاع طريقة لي مفاتتش 3 تاع دقايق وصلوا قدام واحد دار لي كبيرة شوية وضاير بيها واحد سور ، نزل شعيد حل البوابة لكبيرة ومن بعد دخل طموبيل للداخل...
• نزل ونزلات غيمة تابعاه وهيا ساكتة وكدور فعينيها مباغاش تهضر حيت عارفاه معصب ولكن الفضول قتلها وقررت تكلم...
غيمة : عندمن جينا ابابا
سعيد [مشا هز لباليزات من الكوفر] : دار تاعنا هادي
غيمة [قرنت حواجبها] : منين جاتنا
سعيد : ديجا كانت عندنا كنت بنيتها مني كنت كنجيو ومداوهاش لينا حيت كنت كاتبها فسميتك دكشي باش
غيمة : وعلاش مجيناش ليها من اللول
سعيد : مني كنا غادين نجيو ليها شكون كان غادي يوكلنا لفلوس لقليلة لي عندي كان مغاديش ضرب لينا بزاف وتكمل ودابا الى مرجعناش لمدينة وخدمنا هاد لفلوس لي عندي مغاداش تقدنا
غيمة : خلينا نبيعو هاد دار وفلوسها نديروا بيهم شي مشروع
سعيد [تم غادي داخل لدار] : يكون خير دابا نتي دخلي وخلي كلشي عليا
• وصل لحدا لباب وحط لباليزات وحل لباب ودخل هوا وياها ، كانت غير كدور فراسها وكتشوف فدار لي كانت كبير نوعا ما ومن لداخل ولكن فراشها وتصميم تاعها كان عصري...
سعيد : دخلي للبيت لي عجبك وبركي فيه حتا نجي
غيمة : فين غادي تمشي
سعيد : غادي نمشي نقدي واحد لغراض ونجيي لماكلة ونرجع
غيمة : عفاك ابابا نمشي معاك مبغيتش نبقى بوحدي
سعيد [حك على جبينوا] : واخا زيدي يله
• خرجوا بجوج بيهم ومشاو ركبوا فطموبيل ، تحرك سعيد بطموبيل غادي لدار عند لهاشمي وزينة...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
