بين الثراء والبادية

الحلقة 34

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 34
• مشات يامنة لعند نورة لداخلة فين باركة ومجمعين عليها العيالات اما غيمة فخرجات برى ووقفات كدور فراسها معارفة عندمن تمشي ، كانت دنيا مظلمة وكتسمع صوت طلبة فجيهة لخرى من دار...

غيمة [وهيا كتدور فعينيها] : واش نمشي ولا نبقى واقفة حتا يبان ليا شي حد

• تمات غادة لجيهة تاع صوت فديك ظلمة وهيا دايرة يديها قدامها باش مطيحش ، بقات غادة حتا كتحس براسها تخبطات معا شي حد...

غيمة [رجعات جوج خطوات لور بخوف] : شكون نتا
لهاشمي : متخافيش مغاديش نأديك [سكت لمدة] واش جاية لعند سميرة للفرح لي دايرين ومعرفتيش دار فين كينة
غيمة [هزات ليها راسها بلا] : لا انا راه كنت عندهم غير جيت نكلم شي راجل باش يهز الماكلة ويديها لعندكم
لهاشمي [قرن حواجبوا] : نتي ماشي بنت هنا
غيمة : لا باش عرفتيها
لهاشمي : باينة بنات دوار مغادينش يوصلوا حتال هنا باش يكلموا لي كيتسخروا موهيم تعالي رجعي راه دنيا مظلمة وتقدر تقرصك شي حاجة
غيمة [بدات كدور تشوف فجنابها] : اويلي شنو غادي يقرصني
لهاشمي : متخافيش راه مكين والو غير سيري دخلي وقولي ليهم انا غادي نجيب معايا لي يهز معايا ونجي
غيمة : صافي واخا

• تمات غادة راجعة لدار اما هوا فبقا حاضيها حتا ختافات على انظاروا ومشا دخل عند رجال كيقلب على رضوان وشي رجال خرين يهزوا معاهم....

• أما عند غيمة مشات دخلات عند للكشينة لي كانت فيها سميرة وخديجة وشي عيالات خرين كيقادوا فالعشاء...

غيمة : خالتي راه واحد راجل قالك هاهوا غادي يجيب شي وحدين ويجي هز الماكلة معاك
خديجة : شكون هذا
غيمة : معرفتش انا قالت نورة كلمي شي حد ولي لقيتوا قدامي كلمتوا
سميرة : غادي يكون غا شي حد من ولاد دوار

• خرجات غيمة ومشات لعند يامنة لي كانت باركة حدا نورة لي كتحس بالسخفة فقلبها بحكم انه عيات وبغات ترتاح شوية...

يامنة [وهيا كتشوف فغيمة] : اشنو درتي دكشي لي قلت ليك
غيمة : اه
نورة [نغزات يامنة] : عيت وبغيت نخرج ايامنة
يامنة : اوك بلاتي انا نخرجك

• غوتات على زينة لي كانت كتشطح وسط العيالات وشدوا فنورة وخرجوها وداها للبيت لاخر بعدما علموا لعيالات بلي راه العشاء غادي يتحط...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎