🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 163
•"بعــد شهـــر تقريبــا"•
• فهاد المدة كلها كانت الحياة عادية وهادئة عند كل شخص ، الحاجة الوحيدة لي كانت شغلاتهم واحد المدة معينة هيا زواج يامنة وكريم لي فات بسيمانة...
• إبتسام ورضوان مكانوش كيهضروا معا بعضهم بزاف الى بكلمات بسيطة رغم أنهم عايشين بدار وحدة وساكنين فبيت واحد الى أنه كان رضوان مكيدخل حتا تنعس إبتسام...
• أما لهاشمي وغيمة فراهم باقين على حالهم ، كيمشي لهاشمي يخدم ويرجع فالسبت والأحد وهاد سيمانة كانت أخر سيمانة عندوا فيها...
▪︎ عند خديجة لي كانت باركة قدام دار وحاطة يدها على خدها وهايمة فأفكارها حتا وقفت عليها نورة ، حطت يدها على كتفها وبركات حداها...
نورة [وهياكتشوف فيها] : مالك أخالتي واش نتي بخير
خديجة [حيد يدها من على خدها وتنهدات] : وغا توحشت يامنة وصافي [شافت فيها] دار خوات بلا بيها كانت كتبقى دخل وتخرج وتضحك ومنشطانا
نورة [بإبتسامة] : خاصك تكوني اخالتي فرحانة على قبلها حيت تزوجات شي حد هيا باغاه وغادي يتهلا فيها وان شاء الله فاش توحشيها قولي لعمي بوشعيب يهبطك عندها لمدينة وشوفيها
خديجة : ان شاء الله يارب غا هيا راه غا شوية وتمشي عند راجلها وديك ساعة غادي يفرق بيني وبينها البحر
نورة : وان شاء الله تبقى تجي عندك كل مدة ومدة وبلا هدشي كلوا نتي فاش يجي عمي قوليه يصوني على راجلها وهضري معاها شوية باش ترتاحي
خديجة : اه بصح مني يجي غادة نقوليه يعطيني نهضر معا بنتي▪︎عند غيمة لي كانت باركة شادة القرآن بيديها كتقرى فيه حتا سمعات الباب تحل ، حطات القرآن وخرجات كتجري من البيت وهيا فرحانة ، خرجات لمراح حتا بان ليها لهاشمي كيعلق فتجاكيطة تاعوا...
لهاشمي [وهوا كيشوف فيها بإبتسامة ونظرات تساؤل] : شنو سبب هاد الفرحة
غيمة [حطت يدها على خصرها وتكلمت بميّوعة] : بغيت نعرف الهدية رابعة تاعي
لهاشمي [تم مقرب لعندها وهوا كيضحك] : امم زعما دغيا كملتي هاد المرة• قبل ميوصل ليها ولا هيا تنطق وتقول شي كلمة سمعوا الباب كيدق ، ضار شاف لهاشمي فالباب من بعد رجع نظروا ليها...
لهاشمي : حيدي من حدا الباب متبانيش تا نشوف شكون
غيمة : غادة تكون غا زينة لي مشات عند صاحبتها
لهاشمي : أه واخا• تقدم بخطوات لحدا لباب حتا وصل لداه وفتح لباب ، غير بان ليه موسى وهوا يدير بيدوا لي لور إشارة باش غيمة متبانش حيت مامستوراش...
موسى : سلام عليكم
لهاشمي [بإبتسامة] : وعليكم السلام على سلامتك
موسى : الله يسلمك
لهاشمي : مرحبا دخل✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...