🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 177
▪︎ عند غيمة لي كانت باركة كتمشط فشعرها قدام المرآيا وكتسمع للهاشمي لي كان كيهضر معاها وهوا بارك فوق ناموسية...
لهاشمي : غدا إن شاء الله الى بقات شي حاجة هنا وتكوني باغا ديها معاك جمعيها تا نرجع وديك ساعة زهزها صافي
غيمة [حطات المشطة وشافت فيه] : على فين غادي غدا
لهاشمي : باغي نمشي نكتب دار فسمية تاع زينة
غيمة : اه والله يسر ليك
لهاشمي : أمين
• جمعات شعرها ورطبات وجهها بشي مرطبات وهيا تحت انظار لهاشمي لي كان غا حاضيها وبعدما كملات طلقات شعرها ومشات لبلاصتها وتخشات حداها...
لهاشمي [جرها حداه معنقها] : عندي ليك واحد المفاجئ حسن من هادي وبزاف ولكن حتا تحفظي دكشي لي عاطيك عاد غادي نقولها ليك
غيمة : غادي تكون حسن من هادي
لهاشمي : أه وبزاف
غيمة [هزات عينيها فيه] : كنتسنا نعرفها بفارغ صبر
لهاشمي [قبّل عينيها بجوج] : وانتظارك ليها مغاديش يطول
غيمة [كرزات عليه وهيا حاطة راسها على صدروا] : نسولك
لهاشمي [هز الغطا وغطاها] : سولي
غيمة [هزات راسها كتشوف ليه فعينيه] : عمرك بغيتي شي وحدة
لهاشمي [قرن حواجبوا بتفكير وهوا مشتت نظروا] : بصارحة لا عمرني بغيت
غيمة [ضرباتوا لكرشوا] : كداب علاش كتكدب
لهاشمي [شافيها وهوا كيضحك] : لا مكدبتش عليك
غيمة [هزات صبعها فوجهوا كتحذير] : شوف راه كنكره الكدوب راني كنفضل تقول ليا الحقيقة على أنك تكدب عليا على قبل باش منتقلقش او على قبل المصلحة تاعي فغير قول الحقيقة حسن ليك
لهاشمي [باس ليها صبعها وزاد خشاها فيه] : والله مكدبت عليك راه بصح عمرني بغيت
غيمة [بادلاتوا العناق ونطقات] : وزعما عمرك تعرفتي على حتا بنت
لهاشمي [وهوا كيضحك] : لا عرفت غير هيا [حط يدوا على شعرها] راه هداني الله مدة هادي وقبل منعرفك
غيمة [بتشكيك] : ومنعرف
لهاشمي : معندك لاش تشكي فهدشي ودابا نعسي خليني نعس غدا باغي نفيق بكري
غيمة : تصبح على خير
•"أصبحنا وأصبح الملك لله"•
• عند غيمة لي كانت فالبيت معا زينة كيقادوا فيه ويجمعوه وهوما طالقين الأغاني وكيدندنوا معاه ، بقاو على هاد الحال حتا وصلوا للماريو لي بغاو يخليو شي جيهة خاوية لموسى ، بركوا كيقادوا فالحويج وهوما باقين كيسمعوا للأغاني من الباڤ حتا نطقت غيمة...
غيمة [وهيا كطوي معاها فالحويج] : بغيت غانسولك علاش عائلة تاع راجلك مباغلكش أنا مزال مفهمتش مالهم معاك
زينة : اختي اش غادة نقولك راه انا براسي معارفاش مالهم معايا لي عارفة بلي مُّو مكانتش باغيني ليه حيت هوا لي ختارني وبغات تختار ليه بحال خوتوا ، اما خوتوا لي كانوا جاو معانا هدوك غايرين منوا حيت غادي يعزل وتا عيالاتهم غايرين مني واخا مدرت ليهم والو وسبب حيت مغاداش نسكن معاهم ونتناوب معاهم فشقا وهاكا
غيمة : وهذا ماشي سبب يكرهوك عليه صارحة يعني نتي مدرتي ليهم والو باش يكرهوك
زينة : اوا اختي شكون يقوليهم هدشي ولكن راه المشكيل كلوا من مُّو حيت هيا مكانتش باغاني حيت ماشي هيا لي ختارتني وصافي كلهم كرهتهم فيا وهوما كان خاصهم يمكن غا سبة
غيمة : اوا حتا نتي متسوقيش ليهم هانتي الحمد الله راه بعيدة عليهم وساكنة راسك وهذا هوا الأهم
زينة : كلشي بسبابك والله شكرا ليك حيت كون نتي مخليتيناش نسكنوا هنا كنت غادي نكون باقا بعيدة على موسى او نتزوج ونسكن معاهم لمدة
غيمة : أنا مدرت والو هادي فكرة تاع خوك
زينة : اوا كون كانت شي عقروشة مني غادي يقولها خويا نخليوها تسكن فدار غادي تبغي
غيمة [حطت لحويج من يدها وعنقتها] : راك ختي قبل متكوني خت راجلي
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
