بين الثراء والبادية

الحلقة 97

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 97
• بتاسم على الجرأة تاعها وحاول ميحرجهاش بشي كلمة خرى باش يطول معاها فالهضرة ويبعد الحاجز لي بيناتهم...

لهاشمي : موهيم الى قبلتي عليا وانا باسل راه متلقايش معايا نهائيا المشكيل [وهوا كاتم ضحكتوا] راني ولد ناس وضريف
غيمة : مبانتش ليا هاد ضرافة نهائيا انا قلت غادي نلقاه بعقلوا ومنلقاش معاه المشكيل نهائيا حيت زعما راك ولد العروبية ، ساعة انا بان ليك راك ولد العروبية غا بسمية اما تصرفات راهم تاع المدينة
لهاشمي [شد ليها يدها وخرجها من المانطة وهوا كيشوف فيها] : انا نشرح ليك واحد الحاجة تفكيرك عليا قبل زواج راه غير على بعد زواج واش انا شتيني كنت كنقرب ليك مني كنتي مزال ماشي مرتي
غيمة [حركت ليه راسها بلا] : صارحة لا
لهاشمي : اوا صافي دابا راك وليتي مرتي يعني حلال عليا ندير لي بغيتي ونكون باسل كيما بغيت معاك غير الله يحنن قلبك علينا شوية وصافي
غيمة : يعني دابا تا نتوما هدشي عندكم عادي
لهاشمي : عندي عادي عندهم منعرف كل شخص وكيفاش كيفكر
غيمة : نتا دابا كيفاش كتفكر
لهاشمي [بتاسم وهوا كيشوف فيها] : تفكيري هوا انه مسوق تاحد فيا وطالما نتي مرتي من حقي ندير معاك لي بغيت ونحتارمك ونقدرك حيت غادة تكوني مرتي وام ولادي فالمستقبل
غيمة [بإبتسامة] : ان شاء الله

• توسعات إبتسامتوا كتر وكتر من الكلمة لي قالت لي شي لي خلاه يحس بطمأنين بأنه غادة تكون علاقتهم احسن واحسن ، قاد ليها الغطاء وباس ليها على راسها...

لهاشمي : تصبحي على خير
غيمة [بإبتسامة لي فيها حس من الخجل من دكشي لي دار] : تصبح على خير

• غمضات عينيها وهيا كتحس بنظراتوا ليها كيتساراو فوجهها كلوا ، بعد مدة لي قصيرة ستسلمات لنوم ونعسات...

        •"أصبحنا وأصبح الملك لله"•

• حلات عينيها على أتر صوت تاع شي حاجة طاحت فالأرض ، ضورات عينيها فالمكان حتا بان ليها لهاشمي لي كان هاز قرعة تاع الماء وطاحت ليه شي لي خلاها تفيق من نعاسها....

لهاشمي : كنعتاذر مكنتش قاصد نفيقك
غيمة [بركات على طرف ناموسية وهيا كتحك فعينيها] : لا عادي اصلا كنت غادي نفيق [علات راسها فيه] فين غادي
لهاشمي : غادي للخدمة علاش
غيمة : لا غير سولتك وصافي

• خرج من البيت وتبعاتوا حتال برى وهيا كضور عينيها فالمراح ، بانت ليها سنينية والخبز باقين كيما هوما ومقرب ليهم حد...

غيمة : واش غادي تخرج بلا فطور
لهاشمي : فطوري راه ديتوا معايا

• قربت لحداه فصمت وتعلات على صباع رجليها وباستوا فحنكوا كجرأة منها ، تسمر فبلاصتوا وهوا مفاهم والو من تصرفها معاها حتا نطقت...

غيمة : بسلامة والله يسر ليك

• دفعاتوا تا خرج وسدات الباب قبل مينطق شي كلمة ولا تخليه يفهم شنو وقع ، سدات الباب وتكات عليه وهيا مبتاسمة وشادة على فمها بيدها...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎