بين الثراء والبادية

الحلقة 19

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 19
   ▪︎ عند غيمة ويامنة لي باركين فالكشينة معا خديجة بعدما غسلت يامنة لماعن وشطبات غيمة دار عاد عودات من وراها خديجة...

خديجة : مبقا والو لعرس عزيز
يامنة : ايه مبقى ليه والو والله حتا موحشة شي عرس ونبرد فيه غا غديدي
خديجة : ان شاء الله جايين شلا عراس مزال زينة حتا هيا غادة تزوج وخوها حتا هوا
يامنة : زاهية عراسات
خديجة [جمعت الوقفة وناضت غادة خارجة] : غادة نمشي نتكا شوية راني عيت من صباح وانا نحرك
يامنة : صافي واخا

• مشات خديجة دخلات لبيتها باش تنعس انا يامنة وغيمة فمشا للبيت وبركوا فالأرض يتحتوا ويدوزوا الوقت...

يامنة : اوا قولي ليا شنو درتي فهاد المدة لي مبقيناش تلاقينا فيها
غيمة [تنهدت وهيا كضحك] : غادة غا نكدب عليك الى قلت ليك درت شلا حويج [ضارت شافت فيها] حاجة وحدة لي ربحت هيا دكشي لي قريت بيه ولكن راني مدرت بيه والو وهانا حداك دابا
يامنة : مييقاش فيك الحال
غيمة : اه ونتي اش درتي فغيابي
يامنة [سرحت بتفكيرها لبعيد وبعد ثواني تنهدت وهضرت] : مدرت والو تعلمت شقا دار وصافي
غيمة [صغرت فيها عينيها] : زعما ممخبياش عليا شي حاجة
يامنة [حركت راسها بنفي] : لا اشنو عندي لي نخبيه عليك
غيمة [بتشكيك] : امم ومنعرف تاني

• بقاو كيهضروا فبزاف تاع المواضيع وكل وحدة كتقول شنو طرائف لي وقع ليها فحياتها ، بقاو باركين ومجمعين حتا طلات عليهم خديجة لي كان بين عليها بلي يله فاقت من نعاس...

خديجة : منعستوش
يامنة : لا بقينا مجمعين
خديجة : واش آذن العصر
يامنة : اه راه آذن قبيلا
خديجة : يله نوضوا توضاو باش نصليو العصر ونمشيو عند سميرة

• ناضت يامنة تابعاها وحتا غيمة تبعاتهم وهيا محرجة ومقادراش تقول بلي راها مكتصليش ، مشاو للكوشينة ودارت خديجة لماء باش يسخن ليهم...

يامنة : يِّما لاش غادين نمشيو عند خالتي سميرة
خديجة : اوا باش نعلموهم بإيمتا غادي يبدا الفرح وباش نقوليها شكون مزال معرضتش عليه باش هيا تعرض عليهم
يامنة : اه واخا فهمت
خديجة : سيري جيبي سطيلات تاع الوضوء
يامنة : واخا

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎