بين الثراء والبادية

الحلقة 83

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 83
• دخل لعندها وقرن حواجبوا مني شافها ماشي تلهيه وانفاسها ممنتاضمينش ، قرب لحداها وحط يدوا على كتفها حتا قفزها ودارت مخلوعة...

لهاشمي : غا بشوية هذا غير انا [شاف فصدرها لي كيطلع وينزل] واش نتي بخير
غيمة [وهيا كتهز راسها بأه] : اه اه انا بخير
لهاشمي [بعد عليها مني بانت ليه ممرتاحاش وهوا قريب ليها] : اه واخا موهيم انا غادي نخرج وشوية ونجي
غيمة [هزات ليه راسها بإرتياح] : اه واخا

• خرج وخلاها بعدما حس بلي راه كيوترها مني كيكون قريب ليها بزاف او كيقول شي كلمة لي كتشكرها ، اما هيا غير خرج وبركت فوق الكرسي بعدما حسات بلي رجليها مبقاوش هازينها ، شدات على قلبها وهيا كتحاول تنضم تنفسها...

غيمة : لا اغيمة مخاصكش ديري هاكا واصلا عادي هو من حقوا يقرب ليك [مسحات بيديها على شعرها وشدات راسها] ياربي لما عاوني هوا ضريف ومستحيل يأذيني اصلا

• بعد تفكير طويل قررات تمشي تصلي بعدما لقات بلي هذا هوا احسن حل جرباتوا فحياتها وعطا منفعة ومن نهار بدات كتصلي وهيا كتحس براسها مرتاحة ، مشات توضات ولبسات واحد جلابة وزيف وصلات جوج ركعات وهزات يديها بجوج لسماء وبدات كدعي...

غيمة : ياربي نتا عارف شنو بخاطري ياربي لما ساعدني وريح بالي ودوز هاد المدة بخير وعلى خير ياربي راني اصلا مكنتش مستعدة لهاد زواج غير على قبل الأب تاعي وافقت ياربي يسر ليا أمري

• مسحات يديها على وجهها من بعد ناضت جمعت صلاية وحطاتها فين لقات وحيدات جلابتها وزيف ورجعاتهم بلاصتهم ومشات وقفت قدام المرآيا وهيا كتلتاقط انفاسها بزفير شهيق ، بعد مدة طويلة وهيا كتشوف راسها المرآيا طلقات شعرها وخرجات من البيت حتا تحل الباب تاع دار وبان ليها لهاشمي داخل...

لهاشمي [سد لباب وضار شاف فيها] : كتحسي براسك مزيانة

• كتافات تبتاسم نصف ابتسامة وتهز ليه راسها بأه ، بادلها الإبتسامة من بعد مشا دخل للكوزينة وحتا هيا دخلات تبعاتوا...

لهاشمي [طفا على الكوكوط] : صافي هدشي راه طاب
غيمة : خليني نحط لينا باش ناكلوا
لهاشمي : واخا [نعت ليها على واحد البلاكار حدا ثلاجة] هانتي راه طباسل لهيه خودي واحد وحطي لينا فيه
غيمة : صافي واخا

• خرج باش يغسل يديه برى اما هيا فهزات طبسيل وحطات ليهم الغداء لي تعطل عليه الحال بزاف ، مشات كتقلب على الخبز ولقاتوا فواحد الشبكة مغطي جبدات منوا دكشي لي يقدهم وحطاتوا فشبكة صغيرة ومشات هزات طبسيل وشكبة وحطاتهم فوق طبلة لي فالمراح وبركت كتسناه يدخل...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎