🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 12
• مشا عزيز لعند بوشعيب وسعيد وخلا لهاشمي كيهضر معا رجال باش يكملوا الخدمة حتا يرجع ، كمل معاهم من بعد مشا لعندهم...
لهاشمي [بإبتسامة] : سلام عليكم
بوشعيب : وعليكم السلام اولدي كيف داير لباس عليك وكيف غادي معا الخدمة
لهاشمي [ضار كيشوف فالأرض] : هاحنا غادين الحمد الله قربنا نكملوا هاد جيهة باش نمشي لجيهة لخرى
بوشعيب : الله يسر ليكم اولدي [نعت على سعيد] هاد خويا سعيد اولدي جا عندنا هوا وبنتوا ليوم
لهاشمي : مرحبا بيكم اعمي
سعيد : ترحب بيك جنة اولدي
بوشعيب : موهيم اولدي انا وعمك غادين نمشيو غادي يبقى غا عزيز ومني يوصل وقت لغدا جي نتا وشي رجال جيبوا لغداء للي غادين يبقاو صافي وسير جيب ختك وجي راه خديجة عارضة عليكم
لهاشمي : مغاديش نقدر نجي غا خليني نتغدا معا رجال
بوشعيب [جر سعيد وضار غادي] : منك لخديجة لبغيتها تسخط عليك متجيش
• مشا بوشعيب وسعيد وخلاوهم بجوج كيضحكوا من بعد مشا حدا رجال باش يكملوا الخدمة ، اما بوشعيب وسعيد مشاو كيضوروا وسط جنانات وكيوريه خيرات ربي...
•"بعــد مــدة زمنيـــة"•
▪︎عند غيمة لي كانت باركة فصالون والملل قاتلها ، خرجات عندها يامنة من الكشينة وهيا كتحدر فكميمها...
يامنة : مليتي ياك
غيمة : اه بقيت باركة راسي
يامنة : يله نخرجوا راه كسكست الكسكسو وخليت يِّما حاضياه
غيمة : فين غادين نمشيو
يامنة : نمشيو نبركوا شجرة لي كنا ديما كنبركوا فيها [بتسأل] واش معقلتيش عليها
غيمة : لا لا عقلت عليها
يامنة [سبقتها خارجة وهيا كتقاد فالسبنية تاعها] : يله زيدي نخرجوا
• خرجوا بجوج بيهم ومشاو وراء الدار وبركوا تحت واحد الشجرة لي كبيرة وظلها مغطي مكان لي داير بيها كلوا...
يامنة [وهيا شادة فرجليها لي ضاماهم ليها] : عقلتي فاش كنا صغار وكنجيو نبركوا هنا
غيمة [بإبتسامة] : اه عقلت وعقلت حتا فاش كتبت سمياتنا على هاد شجرة
يامنة : حمد الله بعدا مني حتا هدشي منسيتيهش
غيمة [هزات عينيها فيها] : يامنة راه والله مكان عالم بيا غير الله فاش كنت لهيه فكان اخر همي نتفكر واش واعدت شي حد بشي حاجة
يامنة [طولت شوفة فيها وهضرت بهدوء] : وعلاش انا منسيتش
غيمة [شتت نظرها فالأرجاء] : معرفتش ولكن يمكن مشاكيلي كانوا كبر من مشاكيلك [ضارت شافت فيها] واش عرفتي شنو هيا تفقدي الأم تاعك فالوقت لي تكوني نتي اصلا محتاجاها
يامنة : بصارحة معرفتش حيت انا يِّما باقا معايا
غيمة : والله يخليها ليك
يامنة [عنقتها من كتافها وهيا كتحاول ضحكها] : صافي نساي انا غير بغيت نضحك معاك واصلا ماما هيا ماماك
غيمة [وهيا منزلة عينيها لمغرغرين] : عمر شي حد يقدر يعوض مكان الأم ، حتا من بابا براسوا مقدرش
يامنة [وهيا شادة ليها فوجهها] : صافي عفاك متبكيش وخالتي الله يرحمها
غيمة [بالحرقة وغصة فحلقها] : امين يارب
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
بين الثراء والبادية
Mizah🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
