🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 148
• مشات سميرة بركات حدا ولدها أما لطيفة ورشيدة فبركوا حدا جمال لي كان كيشوف فرضوان وكيتسنا يهضر...جمال [بعصبية] : تكلم شنو باغي تفهمني وباش باغي تبرر ليا الهروب تاعها
رضوان [نطق بجدية] : هربات حيت خافت منك فقط ، ومني هربات لقيناها حنا وبقات باركة معانا هاد المدة كلها ومطرى ليها حتا حاجة وحتا حاجة من دكشي لي كيدور ليك فبالك مقربات ليها بنتك
جمال [شاف فيها وهوا كيغوت] : مبنتّيش هاديك ، هاديك هبطات شرفي للأرض وخلات دوار كلوا كيهضر عليا [هز صبعوا فوجهها] لاش رجعتي لاش باغا تمرمدي وجهي فالأرض ، لاش رجعتي بعدما هربتي لاش واش كتصحبي غادة نسمح ليك راه والله ومق*تلتك لبرد دمي
لطيف [حطات يدها على كتفوا وهيا كتهضر وترجف] : جمال برد عفاك البنت مسكينة مدارت والو
جمال [غوت حتا قفزها] : سكتي نتي كون ربيتيها كيف ناس متخرجش هاكا
رضوان [بعد تفكير طويل نطق] : حنا مجيينش نرجعوها ليك باش نخليوك دير فيها لي بغيتي أصلا حنا على جايين نخطبوها منك بشرع والقانون• هزات سميرة فيه عينيها بصدمة وهيا مفاهماش هاد الهضرة لي قال وحتا إبتسام مكانتش قل منها صدمة من هدشي لي سمعات...
جمال : كيفاش أش كتقول ولمن جايين تخطبوها ؟!
رضوان : جايين نخطبوها ليا
لطيفة [شدات جمال من يدوا ونطقت] : مرحبا بيكم اولدي [شافت فجمال] أجي اجمال بغيتك فواحد الحاجة [شافت فسميرة ورضوان] خودوا راحتكم حسبوا دار داركم• وقفات وقفات معاها جمال ونطقت وهيا موجهة هضرتها لرشيدة ، كانت كتحس بقلبها كيضرب على جهدوا وقريب طيح سخفانة...
لطيفة : بنتي نوضي سيري شوفي الماء غادي يكون سخن
رشيدة [هزات راسها بأه] : أه واخا• خرجات لطيفة وهيا جارة معاها جمال وتبعاتهم رشيدة لي مشات للكوزينة أما لخرين فخلاوهم باركين فالصالون ، هزات سميرة عينيها فرضوان بتسأل...
سميرة : اش هدشي درتي ارضوان
رضوان : عادي شنو درت [شاف فإبتسام] نتي موافقة على هدشي لي قلت ولا لا ؟!• طولات شوفة فيه وهيا مفاهمة والو ومعارفاش أش خاصها تقول ، ضارت شاف فسميرة ورجعات نظرها ليه وتكلمت وهيا كتمتم فالهضرة...
إبتسام : م ، معرفتش
رضوان [بجدية تامة] : شنو لي معرفتيش واش باغا تزوجي بيا ولا لا
سميرة [حطات يديها على يدوا] : اولدي بشوية على درية وصبر خلينا بلاتي حتا نحلوا المشكيلة تاعها عاد نشوفوا هدشي لي درتي✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Mizah🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...