بين الثراء والبادية

الحلقة 153

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 153
• خرج العدول وجمال وناضت لطيفة من بلاصتها وهيا مبتاسمة ليهم فوجههم ، زغرزات ثلاتة تاع تغريتات وشافت فسميرة...

لطيفة : أنا شوية ونجي نبرك حداكم نمشي نشوف غا رشيدة بنتي فين وصلت فالعشاء
سميرة [ناضت وقفت] : تسنايني بغيت نمشي معاك
لطيفة [بإبتسامة] : إيه تعالي بركي حدانا

• شدات ليها فيديها حتا تقادات فالوقفة ومشات جابت ليها صباطها لي غا لبساتوا وخرجوا هيا وياها غادين لكوزينة...

سميرة : راني ماشي انسانة لي فضولية بغيت نجي زعما نشوف اش كديروا ولا شي حاجة راني غا بغيتهم يبركوا يهضروا بجوج حيت شفتي زواجهم جا بالزربة
لطيفة : أه معاك الحق وراني فهمت أختي والله واصلا دابا راه ولينا عائلة وحدة يعنس بلا كلشي دار راها دارك
سميرة [بإبتسامة] : ربي يحفظ أختي

   ▪︎ عند غيمة لي حلات عينيها على صوت من تجويد القرآن لي كان كيحسّس بطمأنينة فالقلب وفذات ، تقادات فوق ناموسية وهيا كتشوف فلهاشمي لي كان عاطيها بالظهر وباركة فوق صلاية كيقرى فالمصحف...

• بقات حاضياه وهيا مبتاسمة ومستمتعة بصوت تاعوا رائع فتجويد ، بقات على هاد الحال لمدة طويلة حتا بان ليها سد القرآن وجمع صلاية ووقف وهوا كيتمتم بكلمات غير مسموعة...

لهاشمي [حط صلاية وهوا كيشوف فيها] : صدق الله العظيم [قرب حداها وبرك] مالك كتشوفي فيها هاكا
غيمة : صوتك واعر
لهاشمي [بإبتسامة] : على ما أظن شكرتيني دابا ياك
غيمة [ضارت هزات بينوارها من الأرض] : نتوما ماشي تاع هدشي

• هزات لبينوار ولبساتوا وناضت وهوا غا كيشوف فيها وكيضحك عليها ، مشات لبلاكار وبدات كتقلب على الحويج لي خاصينها...

غيمة [وهيا عاطياه بظهرها] : واش نتا حافظ القرآن
لهاشمي : لا مزال محافظوش كلوا يله حافظ منوا 48 حزب
غيمة [ضارت عندوا وهيا مبتاسمة] : تبارك الله راك حافظ أنا محافظة تقريبا والو منغير سور لي قصار كنت حفظتهم فالمدرسة
لهاشمي : دابا سيري دوشي ليك راه باقي الماء سخون ورجعي صلي وأجي بركي نقراو أنا وياك القرآن شوية
غيمة : أه واخا

• هزات الحويج لي خاصينها من لبلاكار ومشات دوشات بالزربة ورجعات نشفات شعرها بالفوطة ولبسات واحد العباية عندها كحلة وصلاة العصر والمغرب ومن بعد مشات بركات حدا لهاشمي لي كان شاد القرآن ما بين يديه...

لهاشمي : غادة ندير معاك إتفاق
غيمة : شنو هوا
لهاشمي : أنا دابا مغاديش نقدر نكون معاك ديما ولكن غادي نولي كل سبت والأحد فاش نرجع نشوف شحال حفظتي والى لقيتك كل مرة حافظة دكشي لي علمت ليك كلوا غادة نعطك شي جائزة تعجبك
غيمة [شافت فيه بعيون كيلمعوا] : بحالاش هاد لجوائز متلا
لهاشمي [وهوا مبتاسم وكيفكر] : أمم معرفتش دكشي على حسب
غيمة [ضربتوا لكتفوا] : ولا قوليا
لهاشمي : دكشي غادي يكون سري لي ممكن نقولك ، دكشي غادي يكون متنوع يعني ماشي نفس شيء ، ممكن يكونوا هدايا ممكن يكونوا فلوس ، ممكن يكونوا أشياء حسن من هدشي كلوا كاع
غيمة [بإبتسامة] : شوقتيني
لهاشمي : ولكن الى جيت ولقيتك محافظاش دكشي لي جبت ليك معايا غادي نرجعوا معايا تال مرة خرى
غيمة : لا لا كون هاني غادي نحفظ
لهاشمي [حط يدوا على راسها] : الله يوفقك ويبارك ليك فهدشي ودابا أجي نقراو ما تيسر من القرآن

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎