بين الثراء والبادية

الحلقة 166

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 166
• هز ليها براسوا بأه وبعد عليها وتم غادي داخل للبيت ، دخل وبرك فوق ناموسية ، مشات كتجري وقفات قداموا وعلى ملامحها تعجب...

غيمة : وشنو هيا هاد الهدية لي أحسن بكتير من هادي
لهاشمي [غمزها] : إلى من هنا لسيمانة حفظتي تقسيم رابع لي داير ليك غادي نقولك هاد الهدية لي أنا متأكد غادي تعجبك بزاف
غيمة [قرنت حواجبها بعصبية] : ولا نتا كنتي مقرر تقولها ليا دابا ماشي تال من بعد
لهاشمي [هز كتافوا بعدم اهتمام] : غيرت رأي تاعي
غيمة [هزات صبعها بتهديد] : قول شنو كين ولا غادي نقت*لك
لهاشمي [جرها حتا طاحت عليه] : هاهيا على القطة شرسة تاعي وليتي باغا تفكي مني

• بدات كتضرب فيه وتعاير حتا بدا كيهر فيها وقلبوا المضارب ضحك ولعب ، وسط هاد ضحك تاعهم سمعوا صوت الباب كيدق...

غيمة [وهيا كتحاول تفك منوا باش تنوض] : طلقني خليني نمشي نحل غادة تكون زينة جات
لهاشمي [طلقها وضار يديه ورى راسوا وهوا متكي على ناموسية] : ديري زيفك عاد حلي
غيمة [ناضت وقفت غادة خارجة] : راه غا زينة

• خرجات من البيت ويله غادة تحل الباب تا سمعات صوتوا لي كيغوت من البيت بـ " ديري زيفك أغيمة " ، قهقهات بصوت لي خافت وغير مسموع على كلاموا وتنبيهوا دائم بهدشي ، مشات هزات زيف لي كان معلق حدا المونطوا تاعوا وحلات الباب حتا بانت ليها زينة لي دفعتها وتمات داخلة...

غيمة [حيدات زيف وعلقاتوا فبلاصتوا] : تي مالك
زينة [مشات تلاحت باركة فالأرض] : شفت موسى قبيلا فاش كنت غادة عند سناء و

• قبل متكمل هضرتها قاطعتها الإشارة تاع غيمة لي كانت حاطة صبعها سبابة على فمها كتعلمها باش تسكت ، غير سكتات وهيا تشير ليها على لبيت وركات شفايفها بدون مطلع صوت كتحاول تخلي زينة تقرى شفايفها | "سكتي راه كين" | قبل متكمل بان ليها خارج من البيت لعندهم...

لهاشمي [وهوا كيشوف فزينة] : فين كنتي وعلاش تعطلتي
زينة [سرطت ريقها ونطقت وهيا كتمتم] : مشيت غير عند صاحبتي
لهاشمي [برك مقابل معاها] : متبقاي تخرجي فين باقي ليك نهار وديك ساعة راك غادة تولي مسؤولة على راجلك ومنك ليه سيري فين عجبك
زينة [شهقت بصدمة] : هااء كيفاش
لهاشمي [شاف فيها ونطق بجدية] : غدا ان شاء الله غادي تزوجي نتي وموسى
غيمة [قربات حدا راسوا ووقفات] : كيفاش واش غادي تزوج بصح هيا غدا مغاداش تمشي تسكن معانا فدار لخرى
لهاشمي [وهوا كيحاول يلعب على أعصاب ختوا] : الى هيا مبغاتش تزوج صافي ماشي مشكيل تمشي معانا
زينة [وقفت وهيا كتخنزر فغيمة] : لا اخويا هيا قصدت
لهاشمي [وهوا كيضحك] : غا ضاحك معاك

• ناض وقف وهوا مبتاسم ، مشا عنق زينة من كتافها وعنق حتا غيمة لي دارت نظرات تاع القت*يلة ، عنقهم بجوج بيهم ونطق وهوا موجه هضرتوا لزينة...

لهاشمي : أنا عارفاك باغا تزوجي بيه دكشي باش فاش جا عندي قبيلا صافي مبغيتش نزيد نعكس كتر وقتارحت عليه باش تسكني نتي وياه هنا وهوا وافق
زينة : ونتا اخويا فين ناوي تمشي
لهاشمي : غادين نسكنوا فدار تاع أب غيمة بيما قاديت أموري موهيم قولي ليا إيمتا باغا ديري الفرح ولا لا
زينة [هزات راسها بلا] : لا بصارحة أنا مباغاش كنفضل الفلوس لي غادي يخسرهم هوا فالفرح نخزنوه باش نديروا بيهم شي حاجة ما حسن
لهاشمي [بعدهم عليه شوية] : صبري تسناي هنا

• مشا دخل للبيت وخلاهم واقفين مفاهمينش شنو مشا يدير ، مدازتش مدة لي طويلة بزاف وخر وهوا هاز صندوق لي منقوش عليه حرف "ن" ، مد ليها صندوق تا شداتوا بيه يديها...

زينة : شنو هذا أخويا
لهاشمي : هدشي عطاتوا ليا يِّما خديجة بحال لي عطات ليامنة راه هوا هذا قالت ليا نعطيه ليك فاش تبغي تزوجي وأنا كنت ناوي نديروا ليك فالفرح تاعك ونزيدك شي حويج من عندي باش يدار الفرح وطالما مبغيتش ديري الفرح فصافي هدشي خودي
زينة [تلاحت عليها معنقاه وهيا فرحانة] : شكرا ليك بزاف
لهاشمي [وهوا مبادلها العناق] : مدرت والو تشكريني عليه وراه غير كنت ضاحك معاك راه راها تزوجي غادة تبقاي تحت حمايتي

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎