بين الثراء والبادية

الحلقة 6

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 6
• هزات تليفونها وبدات كتقلب وسط نماري لمدة عاد دوزات الإتصال ، حطات تليفون على وذنها وبقات غادة جاية فالبيت لمدة طويلة عاد تفتح الخط...

غيمة [بلهفة] : لمياء سلام لباس عليك
لمياء : بخير ونتي كيف بقيتي من المرض راه قالت ليا بلي نورهان كنتي مريضة
غيمة : انا بخير حمد الله [وهيا متوترة] واش نقدر نطلب منك واحد طلب
لمياء : مرحبا
غيمة : محتاجين شي فلوس ضروري واش تقدري تقولي لماماك تسلفنا
لمياء [وهيا مقاطعاها] : والله مكرهت نساعدك والله ونقولها ليها ولكن راها يله سلفات خالتي على حساب بغات دير
غيمة [قاطعاتها بعدم اهتمام وهيا الغصة فحلقها] : صافي ماشي مشكيل

• قطعات معاها ودموعها دايزين وكتحس براسها دلات راسها ليهم... هزات تليفون ورجعات تاصلات بنمرة خرى ، وقفت لمدة طويلة ولكن بدون جواب ، تاصلات مرة جوح وتلاتة لنفس نمرة ولكن بدون جواب...

غيمة [وهيا كتهدن فراسها] : غير تهدني ضروري غادي نلقى شي حد يساعدنا وماشي وقت الكرامة دابا اغيمة باباك اولى بكرامتك

• هزات تليفون وتاصلات بكل شخص كتعرف وكل واحد منهم كان كيخرج ليها بعذر فشكل ، بعد مدة طويلة من المحاولات دخلات جمعات حويجها وكاع دكشي لي محتاجة وبدلات عليه بقبية فالكحل معا سروال فنفس الوقت...

• جرات باليزاتها بجوج ووقفت قدام الباب وهيا كتشوف فالغرفة تاعها لي مدوزة فيها كل فترة من حياتها ، بقات واقفة وهيا كتبكي وكتشوف كل ركن فالغرفة عندها وشنو دوزات فيه حتا طاحت عينيها على صورة لي محطوطة حدا ناموسية...

• خلات الڤاليزات ومشات لحداها ، هزاتها وبدات كدوز صبعانها على صورة لي كانت فيها امرأة شابة وجمالها فاتن ، شعرها فالأحمر غامق وعينيها فالأزرق غامق ، فيها بعض من نمش لي مزينة بشرتها البيضاء...

• بقات كتلمس صورة ودموعها نازلين ،  قبلت الجبين تاع المرأة بقبلة لي طويلة... من بعد رجعات كتملئ عينيها بالملامح تاعها لي طبق الأصل عنها ، ضمات صورة ليها كتر وكتر وهيا كتردد بعض الكلمات...

غيمة [وهيا ضامة صورة ليها] : توحشتك ، توحشتك بزاف [نطقات برجفة] اماما

• مسحات دموعها ومشات جرات الباليزات وهيا حاطة الكادر تحت الإبط تاعها... نزلات عند الأب تاعها لي كان واقف حدا نزهة كيهضر معاها وغير حس بوجود غيمة سكت... حطات الباليزات وفوقهم الكادر وهضرت موجها كلامها لباها...

غيمة [وهيا منزلة راسها للأرض] : نقدروا نمشيو لبغيتي
سعيد : حتا حد مقدر يساعدك ياك

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎