🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 149
• بعد مدة لي مكانتش طويلة بزاف دخلات عليهم لطيفة بإبتسامة خفيفة على ملامحها وكان داخل معاها حتا جمال لي كان ملامحوا غير مفهومة ليهم...جمال [شاف فرشوان وهوا باقي واقف] : صافي باغي تزوجها واخا هيا ماشي شريفة
رضوان : باغي نتزوجها حيت عارفها شريفة
جمال : إذا غادين تزوجوا دابا
إبتسام [تكلمت بدون وعي منها وهيا مخرجة عينيها] : كيفاش دابا اويلي
جمال [هز صيعوا فوجهها وتكلم بالغوات] : نتي بالضبط سكتي معندكش الحق تهضري أصلا ويحسن ليك شرف لقيتي شي حد يقبل عليه• على أثر كلاموا نزلات دمعة حارة من عينيها وهيا مصدومة من كلاموا ، سكتات وبقات سارحة بأفكارها لبعيد ومكتسمعش لكلامها كأنها مكيناش معاهم...
جمال : العدول غادي نمشي دابا نجيبوا ونجي وغادين تزوجوا دابا
سميرة : ولكن كيفاش دابا
رضوان [قاطعها وهوا كيشوف فيه] : واخا سير جيب العدول وميكون غا خاطرك• خرج جمال وخلا لطيفة واقفة وهيا مبتاسمة ليهن فوجههم وكتحاول تلطف الجو لي حسات بيه بلي تكهرب...
لطيف : أنا غادي نمشي نقول لبنتي دير لعشا ونجي ونتوما خودوا راحتكم هنا [شافت فإبتسام] أجي ابنتي نوضي باش تبدلي حويجك بشي قميص زوين
سميرة [ضارت كتشوف فإبتسام لي مكانتش كتجاوب] : بنتي إبتسام نوضي تكلمي ليِّماك• هزات إبتسام عينيها فالأم تاعها وناضت لعندها بدون متنطق شي كلمة ، شدات ليها لطيفة فيدها ومشات هيا وياها وخلاو رضوان وسميرة راسهم...
سميرة [حطات عينيها فعينيه وتكلمت بجدية] : ولدي واش نتا متأكد من هدشي لي كدير فيه
رضوان [طول شوفة فيها لمدة ونطق] : اه• عند إبتسام لي كانت داتها لطيفة للبيت لي مشترك بيها وبين أختها رشيدة وبركاتها فوق ناموسية وتكلمت معاه...
لطيف : بنتي واش هاد ناس مزيانين ياك كتعرفيهم مزيان
إبتسام [هزات عينيها دامعين فيها] : باغين تفكوا مني ياكوا
لطيفة [بركات حداها وعنقتها] : ابنتي متقوليش هاكا عفاك راك طرف من كبدتي واش كين شي حد يبغي يتفك من ولادوا
إبتسام [بعدت عليها وشافت فيها] : وعلاش باغين تفكوا مني
لطيفة [شدت ليها يدها ومسحت دموعها باليد لخرى] : أبنتي راني باغا غا المصلحة تاعك أما حسن واش نخليك باش يزوجك ولا يرفض ويخليهم يمشيو ويق*تلك ؟! [سكتت لثواني كتشوف فيها] دابا غا نتي شوفي شنو بان ليك مزيان فهاد الحلول بجوج• تلاحت عليها إبتسام معنقاها وهيا كتبكي وتشهق ، كتحس بواحد الغصة وحزن كبيرة فداخل تاعها ، كتحس براسها ولات متقلة على كلشي وحتا حد مباغيها...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...