🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 102
•"بعــد مــدة زمنيـــة"•
• عند يامنة لي كانت باركة برى قدام الباب وهيا هازة عود وكترسم بيه فالتراب حتا وقفت عليها نورة وهيا كتحك فعينيها...
نورة : مالك باركة هنا
يامنة [هزات راسها فيها] : غير فقت وكنتوا مزال ناعسين وخرجت بركت هنا
نورة [بركات حداها] : خالتي خديجة تا هيا مزال ناعسة
يامنة : يآذن العصر ونفيقها• بقاو مجمعين معا بعضياتهم حتا بداو كيشوفوا دراري صغار كيتجاراو ويغوتوا شي لي لفت نظرهم وبداو كيحاولوا يفهموا اش طاري...
نورة : لاش هادوا كيتزاواو
يامنة [وقفت وهيا حاطة يدها على جبتها مغطية بيها شمس على عينيها] : معرفتش صارحة
نورة [وقفت حداها وهيا كتشوف] : بحال والو غير شي حد جاي بشي طموبيل وهوما تابعينهم
يامنة [رجعات بركات فبلاصتها وهيا ممسوقاش] : بحال والو ، وبركي بركي حنا معندنا دخل فدكشي
نورة [وهيا باقا كتحاول تشوف شكون جا] : نوضي نوضي دغيا تشوفي شكون جا
يامنة [هزت فيها راسها] : شكون كاع جا
نورة [وهيا كتجر فيها] : نوضي تشوفي راه يمكن هادي طموبيل تاع ولد سعاد
يامنة [ناضت قافزة وهيا كتحاول تعرف واش معاها الحق] : فينها طموبيل
نورة [وهيا كتنعت ليها] : راها دازت من لهيه صبري بلاتي ضور باش تبان ليك• بقات واقفة على حر من جمر كتسنا فالطموبيل ضور من جيهة لي حداهم باش تبان ليها وتعرف واش معاها الحق ولا لا ، بقات واقفة وقلبها كيضرب حتا بانت ليها طموبيل...
نورة : اه راها تاعوا راه كيسوق فيها [وهيا كتشوف فيامنة] تي مالك تزيزنتي
يامنة [وهيا متبعة طموبيل بعينيها] : اه راها طموبيلتوا
نورة [قربت لحداها وشداتها من كتافها] : يله ندخلوا صافي راهم مشاو
يامنة [ضارت كتشوف فيها بعينين مالينهم اسئلة كثيرة] : عمروا غادين يشوف فيا ياك ؟!• سكتت لثواني وهيا كتشوف فيها بعينين ماليهم الحزن ، ميلات راسها لجنب وتكلمت بعدما طاحت على خذها دمعة حارة...
يامنة : انا مزويناش بحال البنات لي كيشوف ديما ياك ؟! ، عمروا غادي يديها فيا ؟!
• طاحت الأرض باركة وهيا كضرب فراسها وتكتبي وتغوت وهيا كتردد نفس الكلمات " عمروا غادي يديها فيا " ، هبطات لعندها نورة وهيا كتشد ليها فيديها باش تهدن...
نورة : لا لا متقوليش هاكا ايامنة [شدات ليها فوجهها] شوفي فيا
يامنة [وهيا كتنتر منها وتحرك راسها بلا] : لا عمري غادي نبان ليه اصلا ، انا خاصني ننساه✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...