بين الثراء والبادية

الحلقة 104

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 104
• قطعات الخط معاه ومشات تلاحت فوق ناموسية وهيا مبتاسمة من طريقة لي ولات كتحس راسها كتهضر بيها ، وكيفاش كتحس بحياتها لي رغم انها تبدلات كلها ولكن كتحس بواحد راحة فالداخل تاعها...

• هزات تليفونها كتشوف شحال فيه تاع شارج ، بان ليها بلي قريب يطفى وشافت اتصالات لي كثيرة ولكن قررت انها متسوق لحد ، ناضت جبدات شارجور ودارت تليفونها يتشارجا وخرجت كتقلب على زينة....

غيمة [وهيا كضور فدار وتقلب بعينيها] : زينة ، واا زينة فينك

• وسط تقلابها سمعات صوت تاع الباب كيتحل مشات كتحري تشوف شكون وهيا تبان ليها زينة لي دخلات وسدات الباب وهيا شادة واحد الباف فيديها معا طبسيل مغطي...

غيمة [وهيا قارنة حواجبها] : فين كنتي
زينة [مشات حطات طبسيل والباف فوق طبلة] : مشيت نجيب الباف باش نعلمك تشطحي غدا
غيمة [بإبتسامة] : تبارك الله راك على قد كلمتك
زينة [غمزتها] : اوا تانتي كوني قدها
غيمة : اوا تسنايني انا جاية حتا انا

• مشات دخلات للبيت كتجري وبدات كتقلب وسط البرودويات تاعها والحاجة لي عندها منها زايدة كتحبدها وتخشيها فواحد صاك اما الحاجة لي عندها منها غير وحدة جبدات بواطات خاوين وخوات فيهم شوية ، من بعد ما كملات كلشي خرجات عندها وحطات داك الساك فوق طبلة...

غيمة [بركات وهيا كتشوف فيها] : بركي نوريك
زينة [بركات حداها وهيا شادة جلابتها قدامها] : هانا الآلة
غيمة : شوفي انا راه معنديش هنا كلشي صارحة وبكت خاولت نقسم معاك وشوفي غير يتم بابا جاي والى قدر وبان بلي عندوا الفلوس غادة نوصيه على شي حويج يجيبهم لينا ولكن دابا نديروا غير بهدشي صافي
زينة : نقضيو بهدشي صافي

• بدات كتجبد ليها كل حاجة وتشرح ليها لاش كتليق وكيفاش تستعملها ، كانت زينة مركزة معاها وكتحاول تحفظ دكشي لي كتقوليها...

غيمة : صافي راه هدشي ساهل ومعا المدة كلشي غادي تولي تعرفيه لاش كيليق بزربة وبدون تفكير
زينة : الى وحلت فشي حاجة راك نتي كينة حدايا ونسولك
غيمة [بدات كضحك] : حسيت براسي بحالا راني فمدرسة وكنوري صحبتي اش دير [حطت يدها على كتف زينة] صافي الآلة غا كوني هانية
زينة : اوا نوضي دابا خلينا نجمعوا هدشي ونطويو حويجك لي باقين كيسمعوا فينا
غيمة : انا مكنعرفش نطوي الحويج واصلا كنتعصب لبديت نطوي فشي حاجة
زينة [جمعات الوقفة وهزات ساك] : غا نوضي بركي حدايا انا نطوي ليك

• مشات زينة حطات دكشي فالبيت عندها ورجعات عند غيمة لي مشات دخلات للبيت عندها وبركات هيا وياها ، زينة كانت كطوي الحويح وهيا باركة حداها وكيتحتوا ويضحكوا معا بعضياتهم...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎