بين الثراء والبادية

الحلقة 87

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 87
• بقا بارك وهوا شاد تسبيح تاعوا فيدوا وكيسبح لله سبحانه وتعالى حتا شافها داخل معا الباب ، بقا متبع ليها العين حتا مشات لبسات جلابتها ودارت زيفها وجات وقفت عليه...

غيمة : انا توضيت ولبست حويجي
لهاشمي [وقفت وشاف فيها بإبتسامة] : يله تعالي نصليو جوج ركعات لله باش يبارك لينا فزوجنا
غيمة [هزات ليها راسها بأه] : اه واخا

• مشات وقفات وراه وبداو كيصليو بجوج ، كانت الأول مرة تسمعوا كيجود القرآن وعجبها صوتوا لدرجة بقات سارحة معا الآيات القرآنية لي كان كيرتها بصوت رائع...

• بعد اخر سجدة سلموا على ليمين وليسار من بعد ضار شاف فيها وهوا مبتاسم ، حط يدوا على راسها وعمض عينيه وبدا كيتكلم فخاطروا وهيا غير كتشوف ومفاهمة والو...

" فخاطروا "
لهاشمي : اللهم إني أسألك خيرها وخير ما جبلتها عليه ، وأعوذ بك من شرها وشر ما جبلتها عليه

• فتح عينيه وشاف فيها وهوا مستقر على عينيها لي كانت باينة منهم بأنها مكانتش فاهمة شنو كان كيدير...

• حط يدوا على زيفها وهوا فكوا ليها بشوية ، رجع يدوا وراء شعرها وحيد ليها المقبط حتا تطلق شعرها ،  قادوا ليها ورجع ليها بعض الخصلات وراء وذنها شي لي خلاها تبورش وتسرط ريقها باش تنضم انفاسها ، هز يدوا وحطها على حنكها وهوا كيتلمس ملمسهم رطب ، نزل عينيه لفمها وحط صبعوا الإبهام عليه وهوا كيمرروا بشوية...

• غمضات عينيها وهيا كتفنس بالسرعة من الحركة تاعوا ، بعد ثواني لي قصيرة بدات كتحس بأنفاس سخان قراب من وجهها بزاف ، فتحات عينيها وهيا مصدومة من قربوا لي مكان كيفرقهم حتا جوج سانتيمات مقادين وبحركة لا وعي منها ضورات وجهها لجيهة تانية وهيا مغمضة عينيها ووكتحاول تلتاقط انفاسها وهيا بعيدة على انفاسوا...

غيمة [وهيا كتحرك راسها بلا] : لا عفاك متقربش ليا

• وهيا باقا على نفس وضعياتها حسات بيه ناض من حداها وخرج بعدما سد الباب بجهد شي لي خلاها تقفز من بلاصتها وتنهار بالبكاء...

• ضمات رجليها قدامها وهيا غاطسة وجهها وسطهم وكتبكي وتشهق بكل جهدها ، كانت تبكي وتهتهت بكلمات لي غير مسموعين ، هزات راسها ومسحات عينيها من دموع لي كانوا مضببين ليها رؤية فالأول وناضت مشات خرجات كتقلب على لهاشمي...

غيمة [مسحات على راسها وهيا كتشوف فالباب تاع برى] : خرج وهوا معصب [هزات عينيها للفوق] ياربي راه والله مقصدت ندير هاكاك ياربي رجعوا بخير

• رجعات دخلات للبيت وجمعات صلايات وحطاتهم فوق الكرسي تاع الكوافوزة وحيدات جلابيتها ومشات بركات فوق ناموسية كتسنا فيه يدخل...

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎