🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 127
• عنقها من كتافها وتموا غادين كيتمشاو وهوما كيهضروا ويضحكوا بجوج ، بعد ساعة ونص تقريبا قرروا انهم يرجعوا لدار...• دخلات غيمة بدلات حويجها ببيجامة سخونة بالغوز بيبي ولبسات بانطوفتها وخرجات من البيت ، مشات عند لهاشمي لي كان واقف فالكوزينة كيشرب فالماء...
غيمة : مفيكش جوع ؟!
لهاشمي [ضار لعندها وهوا هاز الكأس تاع الماء] : نتي فيك ؟!
غيمة [ميلت راسها لجنب] : امم بصارحة اه فيا جوع
لهاشمي : اذا نحطوا الماكلة لي شاطتك ونرجعوا ناكلوا منها
غيمة [هزات ليه راسها بأه] : أه فكرة مزيانة ولكن غير سير نتا بدل حويجك انا غادي نقاد كلشي فوق طبلة
لهاشمي [قرصها من حنكها وهوا مبتاسم] : واخا الآلة• مشا باش يبدل حويجوا اما هيا فهزات كاع الماكلة من ثلاجة لي كانوا خلاوها من العشاء وحطتها فطباسل ومشات حطاتهم فوق طبلة وبركات كتسناه يخرج...
لهاشمي [مشا برك حداها وهوا مبتاسم] : تعطلت عليك
غيمة : لا عادي
لهاشمي [هز معلقة وداق من روز] : امم هدشي بارد
غيمة [قرنات حواجبها وهيا كتشوف فيه] : علاش كان خاسوا يسخن ؟!
لهاشمي [هز راسوا باه وهوا كيضحك] : اه ولكن ماشي مشكيل ناكلوه هاكا مال شنو فيها• بتاسمات ليه وبدات كتاكل ، كملوا ماكلتهم بجوج بيهم ورجعوا الماكلة لي شاطت لثلاجة ومشاو دخلوا بجوج بيهم للبيت ، مشا تلاح لهاشمي فوق ناموسية وبقا حاضي تحركات تاع غيمة لي مشات بركات حدا المرآيا وبدات كتهز من المستحضرات العناية بالوجه تاعها وكدير منهم لوجهها...
لهاشمي : لشنو كيليقوا دكشي
غيمة [ضارت كتشوف فيه وهيا هازة كريم فيدها] : باش نزيان
لهاشمي [وهوا كيضحك] : على نتي يله عاد ناوية تزياني ؟! [هز يدوا وهوا كيحرك راسوا بلا] لا لا انا مقادش على شي جمال كتر من هذا ومغاديش نقدر نصبر الى شي حد شاف فيك بسباب الجمال لي ناوي ديريه
غيمة [ضارت كتشوف فالمرآيا وهيا كضحك] : لا لا ماشي تال ديك درجة ، اصلا هدشي بدا كيسالي خاصني نعلم بابا باش مني يكون جاي يجيبهم ليا
لهاشمي [هز حاجب فيها] : اه وانا شنو كندير هنا
غيمة [ وهيا كتمشط فشعرها بدون فهم قصدوا] : مفهمتش
لهاشمي : علاش غادي تقولي لباباك يجيب ليك شي حاجة وانا كينة ، شنو زعما انا مقادرش على مصاريفك
غيمة [وهيا كتشوف فيه من المرآيا] : لا مقصدتش هاكا
لهاشمي : إذا دكشي لي خاصك غادي تكتبيه ليا فورقة وانا غادي نجيبوا ليك مني نبغي نجي وأي حاجة تخصك من هنا للقدام تعلميني بيها انا ماشي باباك
غيمة : اوك واخا✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...