🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 107
• بقاو باركين كيهضروا ومجمعين تا كملات زينة طويان تاع الحويج كلوا وستفاتوا فالماريو عاد خرجوا بجوج بيهم ومشاو للكوزينة...زينة [وهيا كتحل فالكوكوط] : هاحنا غادين نشوفوا شطارتك الآلة
غيمة [بكل ثقة فالنفس] : غادة تصدمي مني
زينة [مشات جابت المغرفة وبدات تحرك فيها] : كترتي الماء بزاف وشوفي [ضارت عندها كتوريها] كترتي العطرية شفتي كيفاش ولا لونها الفوق
غيمة [قرنت حواجبها] : راني اول مرة نطيب يعني عادي يكونوا اغلاط بساط هاكا
زينة : ماشي مشكيل الآلة حنا مقلنا والو والمرة جاية حركيها قبل لتسدي باش متعجنش
غيمة : صافي واخا ولكن داك الماء اش غادي نديروا ليه لي كتير
زينة : غادين نخليو الكوكوط محلولة حتا يتشرب داك الماء
غيمة [قرنت حواجبها بعدم فهم] : شكون لي غادي يشربوا
زينة : يتبخر فالهواء زعما
غيمة : امم فهمت• خلات زينة الكوكوط محلولة وهيا كتغلى فوق البوطة ومشاو لمراح بركوا فيه مجمعين ، بعد مدة لي طويلة شوية ناضت زينة تشوف شنو طرى فالكوكوط ومني لقاتها شربات شوية طفات البوطة وخلاتها فوق البوطة...
زينة [رجعات بركات حدا غيمة] : صافي راها طابت غير يجي لهاشمي ونحط باش تاكلوا
غيمة : اه صافي واخا [ناضت وقفت] غادة نمشي نحيد تليفون من شارج ونرجع راني درتوا قبيلا ونسيتوا
زينة : اه واخا• مشات دخلات حيدات تليفون من شارج حتا بدات كتسمع صوت الباب تاع برى كيتحل ، حطات تليفون وخرجات كتجري وهيا مبتاسمة ودايرة يديها ورى ضهرها...
غيمة : سلام
لهاشمي [بتاسم وهوا مستغرب من طريقتها] : وعليكم السلام
زينة : ليوم راه غيمة هيا لي طيبات العشاء
لهاشمي [حط سوارت وقرب باس ليها على راسها] : مرتي حادكة ومكينش بحال طيابها
زينة [ضربت على صدرها وهيا مخرجة عينيها من صدمة] : وانا ؟!• عنق غيمة من كتافها وضورها كتشوف فزينة وهيا كتحس براسها راها فقمة سعادة من دكشي لي كيقول عليها...
لهاشمي : انا هاد ساعة كنعرف غا مرتي فقط
زينة : ياك اسيدي اوا سري كاع عليا كاع هاد الأيام لي كنت نطيب ليك فيهم نقولك غوت على مرتك طيب ليك
لهاشمي : اوا ديك ساعة غا مكانتش اما كون كانت كعما كنت نحتاجك [ضار غمز غيمة وهوا كيضحك] ياك هاد الهضرة لي قلت صحيحة ياك
غيمة [هزت راسها بأه] : اه اه اصلا صافي مبقيتيش غادي تحتاجها من لبوم انا قادة نطيب
زينة [صغرت عينيها فيها] : تانتي اغيمة مصدقتيش✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...