🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 79
• مشا سعيد ركب وركّب معاه لهاشمي وغيمة لي كانت كتفكر كيفاش غادي تقدر تعيش بعيدة على بابها ، بعد مدة لي كانت قصيرة كان سعيد وقف طموبيل قدام دار تاع لهاشمي ونزل معاهم باش يسلم على بنتوا...سعيد [وهوا معنق غيمة] : غادي نحاول نجي عندك فأقرب وقت تهلاي فراسك وتهلاي فراجلك
غيمة [وهيا معنقاه وكتبكي بدون صوت فقط دموعها لي دايزن] : متعطلش
سعيد : مغاديش نتعطل [بعدها عليه وشد ليها فوجهها] متبقايش تبكي خليني نمشي مرتاح
غيمة [بتاسمات وسط دموعها] : صافي مغاديش نبكي
سعيد : شعلي تليفونك باش نقدر نهضر معاك فيه صافي• هزات ليها راسها بأه من بعد رجعات عنقاتوا كأخر عناق ليها معاه قبل ميمشي ، فلاخر مشا سلم على لهاشمي سلام رجولي وهوا كيوصيه على بنتوا ومشا ركب فطموبيل وتحرك مخليهم بجوج كيشوفوا فيه...
• ضار لهاشمي كيشوف فيها كيفاش كتبكي بدون صوت فقط دموعها لي كانوا نازلين وكيعبروا على مدى الحزن تاعها...
لهاشمي [قرب لحداها وحط يدوا على كتافها] : يله ندخلوا
غيمة [نزلت راسها وهيا كتمسح فدموعها] : اه واخا• تقدمت قداموا وهوا تبعها من لور ، وصلوا قدام الباب وحل لباب وشاف فيها وهوا مبتاسم ليها فوجهها...
لهاشمي : مرحبا بيك
غيمة [بإبتسامة لي شاحبة] : ترحب بيك جنة• دخلوا بجوج بيهم ووقفوا وسط دار ، كانت غير كدور عينيها فدار لي كانت كلها مبنية بطين والقزدير فسقف ، كانت عكس دار تاع بوشعيب لي مبنية بالياجور ، دورات راسها فصالون لي كان كبير ومفرش بفراش عادي ، حسيرة معا مانطات فالأرض وميدة من الخشب محطوطة الوسط...
لهاشمي : عارفة دار ماشي من مستواك وماشي بحال لبلاصة لي كنتي ساكنة فيها ولكن كنواعدك ولادنا مغادينش نسكنوهم هنا نهائيا
غيمة [شاف فيه وهيا مبتاسمة] : ان شاء الله
لهاشمي : حويجك راهم محطوطين فالبيت تقدري دخلي تبدلي حويجك لبغيتي بيما قاديت لينا شي حاجة ناكلوها
غيمة [هزات ليه راسها] : اه واخا• دخلات كتكتاشف فدار لي كان فيها تلاتة تاع لبيوتة لي كتوسطهم كلهم ناموسية كبيرة وماريو وكوزينة لي كان فيها بوطاجي صغير محطوطة فيه شبكة تاع الماعن وثلاجة ، مشات للواحد من لبيتوا لي عرفتوا هوا تاعها بحكم فيه حويجها ، دخلات وبدات كدور فعينيها فالبيت ، لقاتوا مختالف نوعا ما على لاخرين فيه ماريو كبير من ربعة تاع لبيبان عكس لخرين لي فيهم جوج فقط وفيه كوافوزة معا المارية تاعها...
• حيدات زيفها وفقطانها وحطاتهم فوق ناموسية وبقات غير بالكولون بيض وديباردور بالنفس اللون ، حلات واحد لپاليزة وجبدات منها واحد الكسوة تاع دار ، فايتة ركبة وربع كم ، حيدات لكولون ولبساتها وخشات لحويج لي بقاو فالباليزة وجبدات باليزة خرى لي كان فيها ميكب كلوا تاعها واي حاجة خاصة بالعناية تاع وجهها ، هزات ديماكيون والقطن ومشات وقفت حدا المارية مسحات لمكياج من وجهها ووقفت كتشوف راسها...
غيمة : بصارحة فرطتي فوجهك شوفي كيفاش وليتي شاحبة وعينيك تحت منهم زرق ، خاصك ترجعي تعتاني بوجهك ولي بغا يوقع يوقع
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...