🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 2
• بعد مدة طويلة ناضت دخلات للحمام ودوشات ليها من بعد خرجت لبسات كسوة فالبيض قصيرة حد الفخاض ومشات لمرآيا وهيا كتشوف فراسها...غيمة : امم جيتي زوينة بزاف [قربات وجهها لمرايا كتشوف فبشرتها] ناري خاصني نبدل الغاسول تاعي تاني اووه حتا حاجة مبقات كتجي ليا معا وجهي اووه
• هدنت راسها وبدات كدير فالميكب لي كان خفيف نوعا ما من بعد رشات ريحة تاعها وهزات ساكها وتليفونها ونزلات وهيا كتنقز فالدروج...
• مشات نيشان لجردة لي كانت كبيرة وفجنبها واحد لبيسين زوين والورود فكل مكان مالينها... قربت من باباها لي كان بارك كيفطر وباستوا فحنكوا...
غيمة : بابي حبيبي
سعيد [وهوا شاد الفورشيط وكياكل] : اهلا بنوتي الحبيبة
غيمة [جرت الكرسي وبركت حداه] : قالت ليا دادة بلي راك خارج ومغادي ترجع حتال العشية بصح
سعيد : اه غادي نمشي نشوف شي معامل فيهم شي خضرة باقا مخزنة تما وخاصني نشرف ليهم على الخدمة عاد نرجع
غيمة : اوك بابي
سعيد [طول فيها شوفة] : كولي مالك مكتاكليش
غيمة [صغرت فيه عينيها] : بابي حبيبي نطلبك
سعيد [بإبتسامة] : أمري احبيبة تاع باباها
غيمة : غادي نخرج انا و mes amis ياك وبغيتك تعطيني شي حاجة باش حتا انا نخرج معاهم
سعيد [قرن حواجبوا] : معامن باغا تخرجي
غيمة [هزات يديها كتعددهم ليه] : أنا ولمياء ونور و وسيم ونورهان ومن بعد غادين يجيو عندنا محمد ومنير• حط الكأس لي كان شاد فيدوا تاع القهوة وشاف فيها وهوا كيشوف ليها فعينيها لي طبق الأصل عليه كيحاول يفهم ويشوف واش هدشي لي قالت جاها عادي...
سعيد [بتسأل] : مكتلاحظيش بلي هدشي لي كديري فيه راه غلط...؟!
غيمة : اشنو درت ابابي حتا كتقول ليا هاكا
سعيد : اول حاجة هيا انه لي جا خطبك كديري فيه شي غلط اولا كتكرهيه فيك ، نتي راك دابا عندك 23 عام فين مزال غادة وعاد دابا غادة خارجة معا الولاد يمكن راك نسيتي بلي نتي مسلمة وهدشي مخاصوش يدار
غيمة [بدات كتتفخ وهيا معصبة] : دابا انا فينما نبرك تجبد ليا زواج انا بابي باقا صغيرة ومن فوق هدشي كلوا نتا ايمتا ولات عندك هاد العقلية عادي اصدقاء تاعي غادة خارجة معاهم وصافي
سعيدة : حتال ايمتا غادي تبقاي هاكا انا اليوم ولا بعدوا غادي نمو/ت نتي غادي تبقاي معولة على فلوسي...؟! دكشي لي عندي الى مخدمتيش عليه فالعام اللول يطير
غيمة : مزال غادي تبقا معانا ابابي• حطات ساكها وناضت لعندوا وعنقاتوا وهيا كتهضر معاه ومخاطباه بهضرتها...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...