بين الثراء والبادية

الحلقة 63

🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎

🌖 حينما نتقبل الاختلاف ، نحصد أجمل ثمار الحب والتناغم 🌘

الحلقـــــة : 63
   ▪︎ عند لهاشمي وزينة لي كانوا باركين فالبيت تاع الجلوس كيهضروا بجوج ويتحتوا بجوج فشتا المواضيع كيف موالفين...

لهاشمي : اش بان ليك فغيمة ازينة
زينة : راني قلت ليك قبل بلي هيا ضريفة والى تزوجتي بيها غادي تفقص شلا عديان
لهاشمي : نساي بنادم ازينة انا كنهضر غير علينا حنا انا كنت مأجل زواجي على قبلك مبغيتش نجيب شي بنت متفاهميش معاها وكنت بغيتك حتا تزوجي هاد نتزوج بشي بنت
زينة : اخويا انا كندير لمشاكيل معا لبنات غير لي كيبانوا ليا بصح ميليقوش ليك دكشي باش كنضارب معاهم باش يبعدوا عليك وصافي اما غيمة معندي لاش ندير معاها صداع وهيا عزيزة عليا
لهاشمي [جمع الوقفة غادي خارج وهوا كيضحك عليها] : غا كوني هانية الى درتي معاها صداع غادة نخرجك نتي ونخليها هيا
زينة [بدات كضحك] : ياك اخويا زعما انا لي ختك
لهاشمي : هانا سولتك دابا وقلتي ليا غادة تفاهمي معاها اذا الى متفاهمتيش معاها نجري عليك عند راجلك

• خرج وهوا كيضحك وخلاها حتا هيا ضحك وفرحانة حيت خوها واخيرا تقبل غيمة وحست بلي بصح باغيها وعاجباه...

• عند سعيد لي كان وصل قدام دار تاعهم قبل مينزل شاف فغيمة لي كانت باركة حداه ومفاهماش فين جابهم...

سعيد [شاف فغيمة] : بقاي هنا باركة حتا نجي
غيمة [هزات ليه راسها بأه] : اوك واخا

• خرج وتم غادي جيهت لباب تاع دار حتا بان ليه لهاشمي خارج ، وقف كيتسناه مني شاف بلي راه شافوا...

لهاشمي [سلم عليه وهوا مبتاسم] : سلام عليكم
سعيد : كيف داير لباس عليك
لهاشمي [لمح طموبيل لي كانت وراء سعيد] : حمد الله بخير ونتا اعمي
سعيد : بخير اولدي موهيم جيت بغيت نهضر معاك فواحد الموضوع
لهاشمي : اه مرحبا اجي ندخلوا لدار ونهضروا
سعيد : لا غير خلينا هنا اصلا لقيتيني زربان وبغيت نمشي
لهاشمي : اه واخا هضر انا كنسمعك
سعيد : موهيم بالنسبة لزواجك بغيمة كنعتاذر منك مغاديش يقدر يكمل حيت انا وغيمة غادين نمشيو غدا ان شاء الله لمدينة يعني صافي غادين نرجعوا لدارنا
لهاشمي : هيا عرفات بلي نتا غير خزنتي عليها القضية تاع الفلوس
سعيد : لا مزال ولكن غير نوصلوا ونحاول نقولها ليها وان شاء الله غادي تفهم الأمر
لهاشمي [وهوا كيحاول يهضر بتفاهم] : ولكن هاكا كاع دكشي لي ضربتي عليه تمارة غادي يمشي
سعيد : هذا هوا الحل حيت انا منقدرش نبقى هنا كتر حيت الى بقيت وممشيتش شفت شنو واقع لهيه غادي نخسر فلوس كتيرة
لهاشمي : هانتا خليها عند خالتي خديجة وسير نتا وحتا ترجع ويدار الفرح هاكا نتا مغادي تأذى فخدمتك وخطتك ليها تبقى
سعيد [نزل راسوا بتأسف] : لا منقدرش نخليها معاها طراو شي مشاكيل وخرجنا من عندهم ليوم
لهاشمي [قرن حواجبوا بصدمة] : وفين مشيتوا دابا
سعيد : حنا فدار لي حداكم من جيهة لخرى راها تاعي وبركنا تم

• سكت لهاشمي لمدة وهوا كيحاول يلقى حل ويعرف شنو يقوليه باش يكمل زواجوا بغيمة وميتحبسش...

لهاشمي : بصارحة انا باغي غيمة ومبغيتش هدشي يمشي بسباب مشاكيل بسيطة حنا بجوج مدرنا والو باش يتحبسوا زواجنا
سعيد : انا عارفة اولدي والله وكنعتاذر منك حيت حنا قلت ليك تزوج ببنتي وفلخر رفضت
لهاشمي : هانتا خليني نعقد عليها غدا يهني نجيب لعدول غدا ونتزوجوا انا وياها ونتا سير كمل خدمتك وعطيها شي حجة ونهار ترجع ديك ساعة عاد نديروا الفرح
سعيد [وهوا كيضور لهضرة فراسوا] : فكرة مزيانة ولكن مبغيتش نبززها على بنتي دكشي باش صبر عليا نمشي نسولها راها فطموبيل باركة ونرجع نقولك رأيها
لهاشمي [هز راسوا لطموبيل لي مكيبان فيها والو] : واخا سولها

✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎